呢幾日真係好忙，忙於寫聖誕咭，都唔得閒update個blog；寫聖誕咭呢個習慣，十幾年黎都冇變過，亦係同太陽哥哥好夾的地方，亦可能因為呢一年一次的聖誕咭，先能把我們咁多年都連繫住；其實唔止同佢，同其他朋友都一樣，親手寫聖誕咭我覺得係一種誠意，有ｄ朋友可能少左聯絡，但只要我心中仲有佢，佢仍然會係我願意親手寫聖誕咭送比佢既人！其實仲有幾多個人會親手寫聖誕咭呢？我身邊都係得一兩位朋友咁做，所以，我覺得能堅持到呢個習慣，都算自豪架，希望仲可以堅持落去！呢兩年，多得太陽哥哥供應聖誕咭比我，貨源都供應埋，應該唔會有理由唔寫啦！
今年一共寫左近五十張聖誕咭，前幾日寄左ｄ去外國，其餘今日都寄出晒，相信各位朋友過兩日就會收到！外國的朋友真係唔好意思，我估要過左聖誕先收到，因為好遲先印到聖誕咭．．．下年唔會架啦，我已經叫左太陽哥哥下年九月就要開始畫，嘻嘻！
張張都親手寫晒祝福字句，絕無欺場架！封面唔post住，留返個surprise比大家！今年張聖誕咭，我都有份製作架，即係點？留比大家係張咭度搵啦！今年的聖誕咭我好鐘意，好想同身邊朋友分享，所以加左ｄ新朋友，個個見我問地址就問我咩事，好奇怪咁．．．我想保持神秘感，無理由話您知姐，係咪？放心啦，如果我派帖，唔會咁無禮貌唔講聲就咁寄去您屋企架！
太陽哥哥前陣子join左buffet club，其實我覺得唔抵架，不過佢話知我鐘意食buffet咪join囉，錢都比左，由佢啦；今晚原本去holiday inn預先食buffet慶祝xmas架，可惜太陽哥哥發覺張coupon冇左，要等buffet club再寄黎，少少失望梗有啦，但都無辦法，我地就改去松屋食日本野，影左好多相呢！
沒有留言:
張貼留言