聽日係Phoebe正日生日，我地就約左佢今日唱LUNCH K慶祝！我地好型，午餐冇叫各有各食的SET，反而叫了中式野一齊食，係K房咁叫餸食飯，真係第一次，好豐富呢！
PARTY時間，飲杯！！我地預備左豆豆蛋糕同coconut body butter送比Phoebe！豆豆蛋糕今年都食了好多次了，哈哈！coconut body butter係壽星女想要既禮物，佢當然愛不釋手，即刻拆左去係咁楂係咁楂，楂完仲迫老公hugo聞！見壽星女咁鐘意隻味，我仲建議hugo以後晚晚沖完涼記得要楂勻全身，包佢一出浴室Phoebe會撲上佢度，哈哈！
跟壽星女合照當然不可缺！
仲有其餘各人合照！
壽星女好好人，事先買了新年禮物送比我地，每人一支小香水！
夜晚同太陽哥哥食車仔麵，因為要趕住去荃灣碌齡，成個月冇碌過咁滯！
九點準時去到齡場，因休話會八點幾去到等位，咁偉大，我地驚佢悶就準時到．．．點知去到空無一人；打比休，佢話改左十一點喎，明記通知的；我有收到明記電話，但我聽到係九點，我仲同佢講，我知丫，休講左；佢又冇咩，原來誤會晒．．．唉，激死我！
冇計，休都好好，話即刻出黎陪我地；但我地兩個去行下街好過啦，就過左千色店；嘩，可能好耐冇行，好多野睇的，最衰又十點close，行得個一陣．．．太陽哥哥就好啦，行一陣都有收穫，就係大哥rush hour 3！
其實出左幾日，我都諗住買比佢，但佢講又唔太好睇，屋企又越來越來碟，又side錢．．．話遲ｄ去二手店買會平；見佢咁講，以為佢諗通唔再積聚雜物，好事，所以我都冇去買！但見到佢眼金金咁樣，我話我買啦，佢係咁話唔好．．．我就話：我點都會架啦，您唔要我就買比休啦！一比完錢，佢就即刻講多謝同搶左去啦，哈哈！休：sorry．．．您去佢屋企同佢一齊睇啦，因為佢成日搵人同佢睇大哥ｄ戲架，屋企又冇咩人理佢喎，好慘的．．．嘻嘻~~
出面真係好凍，要去買ｄ暖野飲，走左去7-11，買左好暖笠笠的維他奶，原本想飲支裝架，但又要按樽．．．難得一見的相片，就係同太陽哥哥一齊都係飲維他奶！
碌齡氣氛好好，可能明記同ben都係度，好耐冇試過十個人了，明記仲表現印度舞，真係好勁呀，我地無個人識咁識左右郁，引黎好多笑聲；不過睇落又有ｄ恐怖，個頭好似就快甩出黎咁呢！
難得咁開心，難得咁齊人，難得大家冇嗌攰要走，難得十個人，難得兩架車咁fit，難得咁多個難得，我地一於去遠少少．．．光輝圍，alex話個度好多野食架！真係喎，三間舖，好多野揀，仲好好味添！希望下次都咁岩十個人，咁岩都大家唔嗌攰要走，仲要最最最重要係，咁岩有兩架車先得！
沒有留言:
張貼留言