2007年12月21日 星期五

2007-12-21 (Fri) 2007年最後一日開工 & Family Dinner


今日係2007年最後一日開工既日子,因為我會一路放假到一月二號先返工,holiday mood當然勁重,仲收到幾位同事的禮物!


有michele的耳環,係佢第二對送比我的耳環,連佢自己都唔記得呢!希望佢新穿的耳窿快d成形,咁就可以換耳環了!



跟住有mavis的攪笑禮物,真係別出心裁,我以為只有碌齡班friend咁咸濕,原來同事中都好有潛質呢!不過佢好緊張呢個小玩意唔夠安全,叫我因住個expiry date,一睇,2009年喎...我即刻話:2009年?有排啦,2008都唔洗,今年內都用晒啦,咁少!惹得個個失聲捧腹狂笑!



跟住有Prof. so的頸鍊禮物,我幫佢手做佢PA,因為我上佢房搵佢既,相機唔係身,所以同唔到佢影相!



仲有noel的朱古力!



好少過黎呢間房,所以影下相先!




唔知大家記唔記得我有位大肚同事去左生BB呢?我之前都提過佢架:http://hk.myblog.yahoo.com/aquarius-givens/article?mid=3367
http://hk.myblog.yahoo.com/aquarius-givens/article?mid=3445


今日收到佢個BB女既相,兩個星期咋,但樣子非常標緻,我未見個岩岩出世的BB既眼耳口鼻係咁整齊架,通常"拿"埋一"住"架麻;仲有,佢好多頭髮呀,所以呢個小肥妹好可愛好攪笑!點解我叫佢做小肥妹?因為佢出世時有八磅七安士!!!難得我同事係第一胎,咁肥咁大都係自然分娩,仲係由痛到生出黎只係兩個鐘咋,好羨慕呀!




放工後去左打邊爐,雖然普通一餐飯,但今次係多年來難得少有的父母同檯的一餐飯,所以我都幾...開心的!大家睇下,係咪我勁似媽咪,而琪琪就勁似爹地呢?



威哥今朝MSN同我講話會有個驚喜比我地,仲琴琴青話要出門口啦,唔係唔夠時間!原來係去學整個蛋糕比我地食,我睇到好開心,我覺得今日呢個日子,威哥呢個驚喜,timing真係好岩!同埋我覺得男仔肯去學整蛋糕,我覺得好得呀;我印象除左威哥外,休係我身邊唯一一個男性朋友做過(可能其他冇話我知啦)!因為當成班都係女同學,得一個男仔時,講真,好多時都估係做比女朋友架啦,都幾尷尬架,個股勇氣,真係非常可嘉!但威哥係做比屋企人喎,更加加分啦,我覺得佢好叻仔,令我對呢個細佬改觀左!



沒有留言:

張貼留言