今日係Boxing Day，我好忙呢！Philip返左黎成個月，都未約到一齊見面食飯，第一次見面反而係係健的婚禮，真係攪笑！今日終於約到，不過只係lunch咋，聖誕大家都好full，ronnie同sarah聽日又要去旅行．．．
呢班都係十年前開始係女青做義工時識的一班朋友，當中仲有健等人，但健宜家honeymood，黎唔到！
sarch就係我地既導師，我地睇住佢結婚，跟住佢生完一個又一個，哈哈！今日佢地全家出動，我第一次見佢個細女咋，好可愛；大女似爹地，細女似媽咪，幾好，一人似一個；比著我，如果兩個小朋友都似晒老公，我實喊死都似，哈哈！
Philip好叻，佢係HKU一degree畢業就去左劍橋讀書，仲一讀就skip左master直接讀PhD，係我身邊最叻的朋友仔！今次返黎仲會in中大同港大做教授呢！佢仲細過我架，真係年青有為！
同舊朋友團聚完，陪左ronnie行街買旅行用品，佢聽日就同佢個醫生男友sweet sweet外遊賀聖誕啦，好羨慕呀！不過我都唔輸蝕，一早報好晒名下個月就同太陽哥哥去北海道啦，好期待呢！不過收到一個消息，唔知係好定壞呢？就係GiGi有左BB呀，係應該開心事黎既，但攪到Victor佢地唔知點呀；因為好多親戚朋友都叫GiGi唔好去，但Victor又好想去喎，因為有BB後，今次唔去，未來幾年就更加唔洗去旅行啦，同埋又比晒訂金．．．宜家都未有決定，要等GiGi過幾日睇醫生問下醫生意見先，有機會由四人行變做三人行，甚至二人行．．．
跟住出旺角，join埋太陽哥哥同Victor睇異獸戰2，呢套戲麻麻地，第一集反而好ｄ．．．近幾次的戲，都係驚天奪寶2最好睇！下一套應該會睇係"花鼠俱樂部"同"Atonement(愛誘罪)"；睇花鼠係因為佢地好似我鐘意的chip n dale；至於Atonement就因為有我鐘意的靚女女星keira knightley(姬拉麗莉)！
睇完戲就趕返入大圍同太陽爸爸媽媽打邊爐，佢地兩個已經開始左了！上兩次試左樓下地道打邊爐，今次去酒樓試任食火煱；兩樣比較，當然酒樓任食火煱會試到多ｄ食物；但論新鮮，又好似地道打邊爐既食物新鮮ｄ喎！
今日係聖誕假期的最後一天，我過了一個非常忙碌的boxing day；而佢地明天都要返工，只有我繼續放到一月二號先返，真爽，嘻嘻！
沒有留言:
張貼留言