2007年12月22日 星期六

2007-12-22 (Sat) My Xmas Tree......^^


呢棵係太陽哥哥整比我既Xmas Tree,親手整架,收到當然開心啦!原本黑麻麻的房間,佢叫我入黎主持亮燈儀式,叫我按一粒掣,跟住...一按,即著!好靚呀!更開心係見到最尾華仔的...原來係裝住演唱會飛的封套!好開心呀!







華仔的演唱會,一路都買唔到飛,到最後一次加場時,多得elsa幫我買到,當天佢係排第五個,到佢時已經冇晒$480同$300,所以最後係買左尾場$200的第一行,我地同埋琪琪去,共三張;點知尋日太陽哥哥公司有人放出兩張$480,因為係聽晚第三場,可能急放,開價$400一張,第十二行;我當時唔知十二行計唔計埋加行...又覺得睇兩場用成千幾蚊好似好奢侈咁...係冇咩主意下,太陽哥哥就決定要,因為真係超抵!我咁慳家,為左幫太陽哥哥慳返d錢,就問到細妹的朋友要左我地個原有個兩張$200,咁可慳返d錢之餘,又搵到人陪到細妹睇!尾場其實我都好想睇架,但真係太花錢咁,又唔係十八廿二喇,唯有割愛啦!




今日做野都係同聖誕有關,我諗其他朋友都係一樣;太陽媽媽儲左四日的蘋果日報,為的就係整呢棵聖誕樹,我當然都有幫手啦!



酬勞係今晚餐炸雞飯,好好味,拍得住KFC架!




收到表姐寄來的聖誕咭,Clement一家係度祝大家有個快樂聖誕!



大小聖誕老人,好攪笑呀!




沒有留言:

張貼留言