今日起身後check-out，好激氣呀，我飲左床頭兩支水，要計錢架．．．浴室都有兩支，但個兩支又唔洗收錢，擺明陰人姐！唉，只怪自己唔睇清楚啦．．．但個兩支水好貴呀，跟房租按比例咁計，等於七分一的房租價錢呀！
我地去左食麥當奴，跟住就揀搭巴士返深圳，因為個巴士站係正對面，費事又搭車去火車站；不過尋日係火車站去酒店時，我地係坐電單車架，一個載兩個個隻，我地次次都係咁，太陽哥哥知我鐘意麻，好好玩，又唔洗戴頭盔，好free咁，不過要好小心！
諗住九個字車程，點知坐左個幾鐘，都係火車快ｄ．．．
咁快就過左一日lu，有ｄ唔捨得添！我搵到上年黎食吊椅晚飯時影既相片呀，發覺係同一張檯呢，真係有緣呀！
呢ｄ就係今次的戰利品喇！好開心，聖誕大把碟睇，唔會悶 lu！
今晚係太陽哥哥屋企做節，冇出街食，由太陽媽媽下廚！主要都係海鮮餐，有蒸魚、炒蟹、椒鹽瀨尿蝦，跟住有西洋菜生魚湯，仲有雞、鮑魚冬茹浸豆苖、同炒菜心！非常豐富，同好好味，無人"裝"過飯，因為淨係食餸都夠飽了！
我話要影相，太陽哥哥set左三張自拍，我同佢就影慣知幾時要擺甫士，其餘三位就好似傻更更咁唔知做緊咩咁，哈哈！我就係咁講，仲有呀，笑下啦，做個手勢啦；我同太陽哥哥玩得開心，太陽哥哥的哥哥就忍唔住八怪我地有咩咁好笑拎過黎！冇計啦，邊個同邊個最岩channel，一睇就知啦！哈哈！
飯後湯圓，一家人團團圓圓！
沒有留言:
張貼留言