今日係平安夜，祝大家開開心心迎接聖誕！
今朝訓到好晏呢，因為太陽哥哥前日已去買定飛今晚睇"驚天奪寶2"；我好期待呢套戲，因為我幾鐘意nicolas cage，大家實話我阿叔都鐘意啦；但我覺得佢就係有種"佬"的型味，哈哈！加上第一集好好睇，我仲因為咁，上星期係樟木頭特登買返第一集重溫先睇第二集，尋晚就係因為睇第一集所以好夜訓呢！
成日去茶餐廳有ｄ悶呢，我地特登等到下午茶時間去大家樂食個豐富tea set，仲有翅呢！
大約到四點半，休打來，問可唔可以讓今晚的戲飛比佢，而佢會用公司的自助餐券換．．．好著數咁喎，但我拒絕左，因我好想睇戲；加上我唔想比佢覺得我貪小便宜咁，其實亦嬲佢冇用咁遲先比我，哈哈！跟住同太陽哥哥講，佢講左一樣我忽略了既野，就係應該從幫佢的角度諗，就係因為咁遲，即係佢真係好需要ｄ飛．．．又係喎，所以，佢平時咁幫我，所以我地就讓左比休，不過叫佢去到戲院幫我地買返晏一場十點幾既飛，嘻嘻！因為我地見到有行仲有兩個位，不過唔係連位，但只係要叫一叫ｄ人"吞"姐；休好開心呢，仲好感激我地，真傻！
臨急臨忙有意外自助餐食，係咁特別的平安夜，真係好值得高興！又諗返尋日場華仔演唱會，又係突然有筍野，點解個天對我同太陽哥哥咁好，製造左咁多節目比我地過聖誕呢？我諗都係一向積落，好人有好報麻，哈哈！
地點係沙田royal park既one+one bar，其實上年都黎過(http://hk.myblog.yahoo.com/aquarius-givens/article?mid=211)，又係休的關係，但係舊年係我叫佢賣飛給我的，所以係度要多謝休，連續兩年都sponsor我地食buffet，仲係周圍都貴都爆的節日！太陽哥哥叫我同您講，我地呢兩年的平安夜都係因為您先咁難忘，咁您應該繼續sponsor，等我地每年都可以回味返上年的sweet sweet moment呀！^^
初頭以為去返上年個間餐廳，原來唔係，one+one bar本身係一間bar，所以好細間呀，食物都唔太豐富，唔係好多選擇，亦冇咩勁野食，所以麻麻地（休，唔係怪您，唔好誤會）！最high應該係呢兩碟，鮑魚同海鮮；很可惜冇我鐘意的生蠔，只得焗蠔．．．
室內已all reserved，我地要坐出面，不過都好有情調！
每張檯都有聖誕玩具供客人玩樂，好有節目氣氛呢！
突然發覺今晚的月亮好光好圓，原來今日係初十五呀，係正平安夜，真係好浪漫呢！
魚生同焗小龍蝦亦係貴價選擇~~
我最鐘意呢兩個聖誕裝飾！
甜品好靚，因為碟碟都有個小聖誕老人，好可愛！
食飽飽就到影相時間，呢餐食得真係好浪漫好開心呢！
最後食甜品，用雪糕杯黎個合巹交杯，為我地呢餐劃上完滿既句號！
酒店大堂有棵好靚既聖誕樹！
行街時遇到好大隻的xmas forever friends bear bear，太陽哥哥見我鐘意話買比我呢；但我拒絕了，已經唔係十八廿二了．．．哈哈！
跟住睇戲，同第一集一樣，我覺得好緊張好刺激！不過第一集好睇ｄ，因為搵寶藏時可謂過完一關又一關，可以講係過五關斬六將；但今次個寶藏，似乎太快發現了！
今年係同太陽哥哥一齊的第二個平安夜啦，今日好開心，2007的平安夜，跟上年一樣，過得開心浪漫難忘，希望年年都咁開心；亦希望下年多幾pair couple一齊過，因為我個人都幾鐘意熱鬧架，鐘意既人係身邊，多幾個朋友又有咩所謂；不過呢ｄ佳節，好多朋友都只想同lover二人世界；唔介意的朋友，可同我報定名下年一齊過！嘻嘻~~
係度同大家講聲：Happy Christmas Eve!!
沒有留言:
張貼留言