幾個月前，我地計劃好一月同victor & gigi 一齊去北海道玩，我同太陽哥哥一向冇咩意見，我就最好有人決定晒唔洗我煩，所以之前搵資料係victor攪既，嘻嘻~~ 今日放工諗住去報團啦，因為月尾後會加價，但去到旅行社，發覺團費加了價；原來佢地逢星期四revise價錢架，激死，victor get錯左月尾意思係個個月既最後一日！加左少少都諗住算，點知發覺有好多問題我地之前忽略左；我地係諗住去北海道＋東京，再係東京stay behind兩日；但發覺咁既團大部份都係要轉內陸機，要旺季好似聖誕先有直飛北海道；仲有stay behind機位，係出發前四五天先覆到，吓．．．咁我點搵酒店？佢地話可同佢地訂埋，但我地發現，如果我地想住的酒店冇，佢地會一定要我地選擇第二間，一路搵到有為止，唔可因酒店唔岩而退返stay behind錢，除非機位冇，就退得錢．．．聽完覺得即係迫我地搵佢地訂酒店姐，機位咁遲先覆，我地根本唔可以自己搵酒店啦，一陣比晒酒店錢冇機位咁點算？而經佢地搵，我地又冇咩保障，最終咪實係佢地做開ｄ酒店先有房，一陣又話冇又要加價，等等．．．唉，所以我地最終冇報到，返去再從長計議先！或者，係咪應該齋玩北海道七天算呢？轉兩程內陸機真係好晒時間，第一日去到北海道都夜晚了！
之後跟太陽哥哥family同佢地澳洲返黎的親戚食飯，成十幾人，好多陌生面孔，由於唔熟的關係，我唔敢影相呀，哈哈！返到屋企後，就聽太陽媽媽講ｄ親戚的背景，點解移民左去澳洲，點樣係個邊發達．．．等等，因為太陽哥哥都唔係好了解，我地就好似小朋友聽媽媽講故仔咁，幾好聽呢！
一部冚埋左的nds
但當無意打開後，見到咁．．．係咪好開心呢？哈哈！
之前部nds好多game upload完都玩唔到，包括cooking mama 2，屋企其餘兩部都得(http://hk.myblog.yahoo.com/maggie-kkc/article?mid=2412)，係我玩開呢部唔得，激死呀；原來係要update張R4，多得Erica教我！呢幾日搵左好多新game，全部都玩到啦，當然包括出左只係兩星期左右的cooking mama 2啦，我宜家努力煮緊餸呢！而呢隻係比小朋友玩的一個BB game，因為全部係低B砌圖、找錯處、考IQ、畫畫等等．．．到畫畫時，就畫左呢幅低B畫，然後放係檯面．．．給太陽哥哥的一個小驚喜，見住佢個樣由好驚訝變到笑得好甜呢，仲撲過黎攬住我呢！所以話呢．．．我氹人都有一手架，哈哈！
沒有留言:
張貼留言