今日約左幾位小學同學影Tony Master畢業相，地點係我地既成長地 - 青衣，我地揀左"青衣公園"，有意義得黎又唔洗去咁遠，因為我隻腳仲未好返，唔想去咁遠呀，哈哈！不過為左比面Tony同尊重今天呢個大日子，我都忍住痛穿上長靴，靚靚麻！雖然著時有ｄ痛，同因為腫的緣故著得好緊，但我知都係兩三個鐘，頂得住既！原來呢度有多人影相架，可能多花草樹木，仲有瀑布架！
原本呢度係個湖定係瀑布，不過工程進行中！
呢個景點好有意義，因為後面就係我地既小學同校，我地大個仔大個女了！
係呢度，我地開始玩自拍，由於剛開始玩，大家掌握唔到究竟幾時影個下呢？攪到笑料百出！
好鐘意呢度張大合照，pose雖然老土ｄ，但大家的友誼盡在相中！呢條小梯階影相一流呀！
又係自拍時間，已練習過囉喎，仲係咁亂唔得一致既！那又如何？最緊要每個人面上真摯燦爛既笑容麻！
扮蝙蝠？但您對翼爆左汰喎老友！哈哈！
呢個pose當然係盞鬼既我諗出黎架啦！嘻嘻~~
影完青衣公園，我地慢慢行去青衣城，不忘係聖誕飾物前留倩影！著住件畢業袍係咁多人既商場入面行，您係得既！
老實說，青衣城每年的聖誕佈置都好揼本，唔知係咪因為呢個商場搵到錢呢？每年都係ｄ名牌公仔，我覺得好值得大家黎影返幾張相架！
跟住去左海旁，一有空隙時間，我都成機同Tracy影張合照架，哈哈！
不少得又係自拍時間，開始熟習了，大家ｄ pose越來越有型呢！
Tony越玩越癲，開始進入失常狀態！可能同我地一齊太開心了，佢拎住腳架尾隊高個相機，由高處影落黎，笑死人啦！但咁既方法影到我地全身，又幾得意喎！
畢業了！人地拋畢業帽，您就自己成個拋起！哈哈！
最後由三位男士擺出passing out pose，為今日之拍照時間劃上句號！
之後我地去左飲野，太陽哥哥就黎到見下佢地同接我，其實之前全部都見過晒架啦，只係Carol未見過，我就"以呢個係Jacky未婚妻"同太陽哥哥介紹Carol，點知佢兩個好怕羞話唔慣呀，仲講笑問我：咁呢個係咪您未婚夫呢？係我答"梗係未係時"，太陽哥哥竟然同一時間搶答話："係呀係呀！"Jacky即刻豎起手指公話佢：掂呀！勇呀！之後太陽哥哥去左買戲飛．．．佢地唔見左佢，就係咁問，未婚夫呢？太陽呢？呢兩個稱呼，就係我班小學同學對太陽哥哥的叫法喇！哈哈！
最唔捨得的時間終於來到，Tracy夠鐘返上屋企執行李了．．．我地就係度say goodbye，唔知下次幾時先見了．．．呢個月過得好快，好開心，佢陪我渡過左好多晚媽咪打波唔煮飯的日子，佢宜家要走真係好唔慣呀！今次真係要到我講：祝妳一路順風，永遠成功；仲要身體健康，一路平安！（太陽哥哥教的！）
之後我同太陽哥哥去左意粉屋食下午茶~~
咁靚既聖誕裝飾，點會漏左唔同佢影呢！有冇發覺最後個張換左衫呢？因為我地未夠鐘睇戲，食完野就返去換衫，因為我隻腳要休息啦，順便買埋野食比媽咪，氹到佢幾開心呢！
我地去睇"真的想飛您"，好好笑呀！其實當笑片就幾好笑，但諗真其實都幾反面教材，大家唔好學呀！
跟住去長發食宵夜，好遺憾今日冇車仔檔，只係得盒仔野食，冇左個墟冚場面，頓時失晒色呀；後來仲走鬼，我係咁等ｄ警察走，因為我仲等住買雞翼尖架，點知．．．等到三四架巴士走佢地都仲堅持死守，激死！唯有放棄返屋企啦，但真係好想食呀，好在太陽哥哥買左上星期已食晒既mini cones比我咋，返到去見到開心晒！
沒有留言:
張貼留言