每次Tracy回來，我地總有藉口出黎聚聚，聚聚唔係幾個，而係一大班人！試諗下，有幾多人仲能keep住有咁大班的小學同學？小學識的同學仔，係我地最單純最冇機心的時候認識，因為我覺得，到中學開始，懂性的時候，中學同學間難免都會有些機心、爭鬥．．．所以係我心目中，小學同學間的感情，係最純最真摯的友情！我地在坐咁多位都咁珍惜呢段關係，真係好難得！
今日叫左個半席皇潮宴，另外加左幾個小菜，ｄ餸好靚好好味，但似乎叫太多了！上面的slide係個餐，下面的slide係另加的小菜！
由七點食到十一點，勁！因為當中要傾計、食飯、影相、講近況、講咸濕話題、笑到收唔到聲的大笑時間、猜迷時間等等．．．Pat 還有一個月就海關受訓完畢，我地問左佢好多學堂問題，但全部都唔關於海關的工作，而係問佢係學堂沖涼係咪成班人一齊沖架？見唔見到晒？沖完係出黎著衫定係入面著埋先出黎？出黎著？咁個地咪濕晒？邊個抺返乾？．．．．．笑爆咀！！
真係好開心，笑聲不斷．．．相信每個朋友心目中，都覺得呢餐飯食得好滿足、好輕鬆、好開心、好充實、好忘懷、好豐裕，係心入面的那種豐裕！我愛您地！！
Tracy聽日就同媽咪去歐洲旅行十二天，真係羨慕死人，係度祝妳旅途愉快！歐元宜家升到 ba ba 聲，唔洗買手信比我了，一切在心中！屈指一算，妳返黎後只淨返兩個星期係香港咋，咁快又要走．．．宜家已經開始唔捨得啦！下次見要等下年先見到．．．
沒有留言:
張貼留言