今朝睇完醫生，醫生即比病假我至聽日，發生咩事呢？其實星期一左腳（腳趾公下面肥嘟嘟個舊肉）開始有ｄｄ痛，星期二朝早就睇醫生啦，醫生比左ｄ消炎藥；食左兩日都未見好轉，反而更紅更腫同更痛，我就今朝再睇，順便睇報告；醫生都話嚴重左，換了另一隻消炎藥比我，再加痛風藥；雖然測試係冇事，但佢話未係最痛時抽血驗有機會未係最準的，因為我係星期二抽血的；呢隻痛風藥負作用係會痾，一痾就要停食，唔痾就冇問題！大家可睇下，左腳腳趾公上下都較右腳的厚同腫！
睇完醫生後冇即刻走，因為有個重要lunch要食野，因為今日係BeBe last day，一早約好左食lunch既！我地去左麥生飯堂，飯後亦有留念拍照！
跟住去左Tracy屋企休息同訓覺，佢住青衣城，去佢度仲近過我返自己屋企啦；因為買左飛今晚要睇3D魔戰王，費事走黎走去！約埋Tony放工後，我地先去Freshness Burger食少少野先；太陽哥哥係對面海過黎食唔切，唯有等食我既愛心外賣啦！
今次係大家第一次睇3D電影，大家都好有新鮮感，就好似迪士尼既米奇3D短片咁，ｄ野蒲晒出黎，係側邊飛過，好得意，幾特別！迪士尼只係幾分鐘，今次就係全套戲！呢套戲內容一般，ｄ中文翻譯仲好三級添．．．但如果要為睇3D效果，就好值得睇喇！我睇到尾先知ｄ人物係畫出黎，我仲以為係真人黎添！其實近鏡時我都覺得ｄ人有時有ｄ假假地咁；到尾段我同太陽哥哥講個魔女好似盜墓者羅拉呀！太陽哥哥話係佢黎架！我話佢唔係大緊肚既咩？太陽哥哥話呢ｄ人係畫出黎架，唔係真人黎架傻妹！我個時先知．．．唔怪之啦．．．哈哈！
3D眼鏡．．．太陽哥哥話我戴到好似戴左潛水鏡咁，哈哈！真係好似，因為太大了；仲戴到夾住個鼻，呼吸都有ｄ唔舒服！係度比個tips大家，睇3D電影，最好揀中間後多幾行，因為個職員話最正個位係係正中間，但我地覺得太前了，有ｄ暈同眼花的感覺，好在我地個場無咩人，幾乎任坐咋，所以我地調後黎坐，唔係對眼實攰死！
睇完戲後我地食埋宵夜先回家，太陽哥哥係度真好，我地三個朋友仔可以一齊影相留念了！tony仲話太陽哥哥咁識擺pose，果然比我訓練有素，哈哈！臨走時太陽哥哥同tracy講的一句"祝您一路順風，永遠成功！" ，笑死佢地了！
沒有留言:
張貼留言