今日係同太陽哥哥拍拖十五個月紀念日，梗係開心啦，又一個月啦，好快好快又再一個月一個月，咁就．．．嘻嘻~~ 下個月仲係聖誕，再下下個月我地又去北海道，下下下個月仲係生日新年兼情人節．．．嘩！好迫好full呀，所以，有個日子．．．真係唔好揀呢幾個月，回唔到氣呀！(您明唔明呀baby？^^) 好期待呀，十一月快ｄ過啦！我同太陽哥哥過左兩個summer、兩個中秋、兩個國慶、兩個太陽媽咪生日．．．黎緊係同佢一齊過的第二個冬天啦，下個月亦係第二個christmas；由一變二，感覺幾特別，會唔捨得一，但又好開心二的來臨，因為咁就證明我地感情與日俱增，下次就會三，跟住四，一路咁儲落去喇！太陽哥哥已經好心急咁問我想要咩聖誕禮物啦，其實，只要您一路錫到我燶就可以了，當然，禮物呢家野，又唔會"駒"，亦唔會嫌多啦，哈哈！
為慶祝我地一齊十五個月，我地放棄左太陽媽媽的撚手小菜，過了二人世界，去左yammy早前去過的charlie brown cafe，因為個度好靜好少人，仲好靚添，咁就可以影好多相留住呢個happy day啦！
呢個係餐廳正門，沿住樓梯上就得架啦，樓梯周圍已有好多好吸引的裝飾！
上去到，由二人世界變了六人世界了，因為撞到了．．．yammy本人同其他同事！哈哈，真係有緣！我地兩張檯係正隔離，一來係梳化區好舒服，二來有隻大公仔方便影相，三來係可以有二人世界的享受，亦有六人世界的熱鬧，四來仲可以互相影相呢，真係一舉四得！
一搵左位後我就係咁影相，係咁影係咁影，比太陽哥哥催左好多次先肯食野呢！
好靚的天花板，好難影到人板合一架！
買完食物後每張檯都會比個stand您，食物會為您逢上，好得意，成個VIP咁！
我地叫左一個湯、兩客意粉、一客雞翼；兩個意粉都好好味，係黑松露意粉淡左ｄ，但ｄ菇菇好好味，加返分！黑松露意粉仲係我同太陽哥哥異口同聲咁一齊揀出黎架，真係夾到暈左！嘻嘻~~ 芝士長通粉好重芝士味，正！（elsa實勁鐘意！您睇我，我有掛住您架！）雞翼去晒骨咁滯，啖啖肉，very good！
等食物時，又繼續影；食物黎到，仲要拎住影，碗湯真架！飲杯~~ 就黎激死太陽哥哥啦！哈哈~~
多得有yammy係度，我同太陽哥哥又可以影到好多合照呀！yammy仲依足我指示又琴高又趷低咁幫我地影相，多謝您呀！天花板張合照我好鐘意呢！
點少得同攝影師影相呢！
好靚的嘜頭甜品~~
呢度真係咩都係有characters架，周圍的裝飾啦、餐具檯凳啦、廁所啦．．．十萬個鐘意！
廁所內外
檯面，差唔多影晒咁多個characters架啦！
仲有snoopy電影不停為您播放，連個牆紙都好攪笑，排排坐睇電影，好小朋友世界feel！
食完玩完影完相後，由於消耗了太多體力，出晒名nice guy既jimmy sen請我地食desserts呀！抵錫！多謝！
返到太陽哥哥屋企，發現有三個飯盒！原來除左我同太陽哥哥的twins lunch box外，仲有太陽媽媽架，三胞胎．．．哈哈！好有family feel，因為媽咪唔洗返工，我咁大個女，都未試過同自己媽咪一齊帶飯架，今次咁既場面，第一次見到，好溫馨呢！雖然今晚放棄左太陽媽媽的撚手小菜，但佢原來自動咁幫我帶飯，真係好錫我呀！我一路企係佢後面睇佢裝飯盒，佢仲問我平時咁裝比我，夠唔夠飽呀？夠唔夠餸呀？我話咁大盒，夠有突啦！佢對我咁好，咁錫我，真係好想係後面攬住佢！攬太陽媽媽，太陽哥哥唔會呷醋既，哈哈！我仲知有時唔夠餸，太陽媽咪只裝比我地，自己唔帶架！真切體會到天下父母心的道理，感動．．．
其實太陽媽媽成日驚我冇飯食架，有次佢知媽咪打波唔煮飯，佢叫我做咩唔同佢講，下次記得講，咁佢就煮比我食，叫我放工約埋佢一齊返屋企，係屋企等太陽哥哥，佢要開OT我地就食先．．．聽到咁都知錫到我暈啦！不過正如我講過，人夾人，相信我對人好，人地自然對您好同錫您啦！太陽哥哥講過，太陽媽媽覺得我成日笑，好開心（雖然傻傻地！哈哈！）但好過成日苦瓜乾咁喎，郁ｄ就發脾氣，係人面前黑口黑面，唔識做唔比面人唔識大體囉！Yeah~~ 連太陽哥哥的哥哥都話我咩都鐘意笑一餐，係又笑，唔係又笑，就係佢比我既comment！Yeah again~~
沒有留言:
張貼留言