2007-11-28 (Wed) 開心晚餐

好耐冇試過weekday一家人係屋企係齊人食飯架啦，因為細妹成日都去kick boxing，難得今日返黎，我地食左餐非常舒服同開心既晚餐；舒服係因為成張餐檯開出黎食，平時我們好求其，有個一角仔都食到架啦！哈哈！

細妹開心到要留低美好時光，我地ｄ碗筷係同一系列架！其實影相我已經算多，但佢係影得仲多過我好多好多架！

飯後興起，一齊去青衣城shopping，媽咪細妹都買左褲，另外買左太陽哥哥之前睇中的西裝褸，由於媽咪一次過比錢，佢話件西裝褸送比太陽哥哥，當聖誕禮物喎，我覺得媽咪好好呀！嘻嘻~~

係去青衣城途中，我用3G打電話比太陽哥哥報到，最攪笑佢講完比左太陽媽媽講，我同太陽媽媽講講下，由於媽咪係我旁邊，我就介紹左我媽咪比太陽媽媽識，佢地都講左幾句，仲話第一次見呀！幾時飲茶呀！好攪笑，兩個都好out-going，so cute！我諗不久既將來，佢地真係要見面啦，可能係下次呢！不過都係過多幾個月先啦，等多ｄ野settle左先！嘻嘻~~

呢個聖誕裝飾背影，我已經影左三次啦！