2007-11-01 (Thu) 襯到爆的母女電話繩

兩條電話繩係咪好襯呢？媽咪見到我個條覺得得意，一句想要，我即刻班返條送比佢，開心死佢！

今日媽咪聽住歌咁返黎，我就叫佢借個電話黎影張相，點知有個驚人發現！就係我見到佢竟然聽緊"Way Back Into Love"！！點解點解？點解我媽咪咁型架？我拿拿林問佢：邊個介紹您知呢隻歌？佢話：上網睇到，咩ｋ歌情人（我一聽，以為佢聽緊品冠＆梁靜茹版，因品冠隻新碟叫ｋ歌ｘｘ），仲有戲麻，咩一個作家同一個園丁既故事囉！我話：下，您咁都知？講講下，發覺佢連套戲都睇埋，係download落黎係電腦度睇架，佢話睇到咩十大好戲之選咪睇囉．．．ｋ歌情人原來係套戲名，我估係大陸譯名，因為香港叫"冧歌有情人"架麻，誤會晒．．．咦．．．咁佢聽緊個版本．．．會唔會係．．．我即係開黎聽．．．嘩！係Hugh Grant個版本！一個字，"服"！

咁既事發生係我媽咪身上，真係難以想像．．．估唔到我媽咪咁IN咁型，戲又睇埋，連歌都download埋，仲要係原裝！因為近期plug緊的"Way Back Into Love"，好多人只知係品冠同梁靜茹唱，唔知其實原裝係今年二月情人節上映的"冧歌有情人"入面既主題曲！記得我個時睇完覺得套戲超正，之後仲癲左咁上網搵首歌，幾經辛苦先搵埋碟入面其他我都鐘意既歌，包括hugh grant獨唱既"Don't write me off" "Dance With Me Tonight" "POP! Goes My Heart"！係度同大家重溫一下當時既心情，因為我真係好愛套戲同首主題曲！至於隻soundtrack，我 ftp度有架，大家亦可去download！ 

http://hk.myblog.yahoo.com/aquarius-givens/article?mid=390

http://hk.myblog.yahoo.com/aquarius-givens/article?mid=2691