Tracy十二天歐洲之旅完結，尋晚先返到，今日即刻比我拉出黎食飯啦！梗係啦，要見多ｄ，唔係又要"助底"等半年了！今日有肯Tony都join到，我用"扒王之王"嚇佢，迫佢諗下食咩好，呢招果然湊效，佢有好多建議，但礙於方便晏ｄJacky join我地飲野，都係唔出咁遠，去左路得圍之小巴黎！
我地叫左好多野食，最終食唔晒呀！今餐Tony請的，多謝老細！嘻嘻~~ Tony呢個朋友好好，好肯為朋友的，自己幾攰都好，都願意抽空陪我地癲；又成日比我地糟質同取笑；仲成日要佢好耐心的幫我地影相同被我地玩！係度加您十分十分十分共三十分啦！哈哈！不過佢都知我地只係玩樂成份，所以我地次次食飯都笑聲不斷，好開心架！
跟住返仙跡岩飲野，jacky join埋，難得的四人組再聚首，當然要狂影相啦！
Tony意圖錫Jacky，被人bear呀，有相為證，形成一張有趣的連環圖！
兩位開心果
十幾個小學同學當中，咁多年我地四個係最friend最親密的，每次Tracy返黎，大聚會頂多攪到一次，其餘時間都係我地四個自己玩、周圍去咁；最開心有一兩次Tracy返黎我地玩得好密，今日未玩完已約定後日咁，通宵楂車上大霧山睇瑩火蟲啦、爬上車頂影相啦、吼佢地訓覺擺晒ｄ筲箕鑊鏟係佢地身上影佢地相啦、去長洲張保仔探險啦、去大澳郊遊啦、一齊請假去tea buffet啦、跑馬地食翅啦、返小學啦、唱通宵ｋ啦、係海旁傾通宵啦、玩pictionary玩到畫花面貓啦．．．宜家諗起都會會心微笑，真係好深印象，我地咁深既感情，就係咁慢慢建立起黎，大家一定係對方心中有一定的份量，呢份感情，真係好真摯同難得，所有我係會好好珍惜您地架！（您地睇到唔好喊呀！hehe~~）
但宜家各有各忙，尤其jacky又要返大陸做野，放假變相要陪下女朋友，我地一齊玩的時間少了好多，通常只得tony陪我地！真係好懷念以前，但放心，開心的回憶我會將佢好好收埋，間唔中拎出黎回味架！所以宜家難得有瘋狂四人組聚首既機會，真係要好好珍惜呀！
今日咁難得的重聚，jacky向我地宣佈了一個大消息，佢既事，就等於我地四個既事啦，tracy亦已答應係2009年1月5日，一定會返黎見證佢咁重要的踏入人生另一階段的時刻，到時一定好感動呢（諗起已經眼濕濕了~~）！真係好戥 jacky開心呀，係度恭喜佢先！我亦有可能係佢選求婚介指度出ｄ綿力呢，希望幫到佢啦！幾時到我呢？我講過，到我個日，我一定要Tracy陪住我出嫁架，佢已經叮囑我要比定期佢返去請假啦，正傻豬！放心啦，咁重要的日子，我會第一時間通知妳，不過未有"耐"呀！哈哈~~
Tracy給我的手信，我會放係書檯放文具，謝謝妳的心意！
沒有留言:
張貼留言