今日一如以往，起身後跟太陽媽媽食早餐，但今日多左三位嘉賓，就係太陽媽媽的麻雀腳！事緣係尋晚返到去後，我都見佢地打緊牌架啦，點知原來打到凌晨兩點，佢地去左黃江揼骨，計劃訓醒飲完茶返黎再戰；但今朝訓醒後唔知食咩，就決定都係返黎樓下食！嘩，勁，我訓覺途中，原來佢地四個做左咁多野，真係好識享受！太陽媽媽好識享受人生同放假的時間，我都想媽咪學下，識多ｄ朋友，咁佢平時就唔洗咁悶啦！而我，都好想過ｄ少奶奶生活，但就唔係打牌，而係shopping & high tea，嘻嘻~~
晏晝陪太陽哥哥去剪髮，又見到太陽哥哥的哥哥，似乎佢幾鐘意我喎，同太陽哥哥講野時就冇表情，同我講野時就四萬咁口，哈哈！仲有係太陽哥哥成個洗頭過程，佢仲坐係我側邊陪我傾計，講nds game，傾得好雀躍！太陽哥哥話同佢哥哥平時冇咩野講，佢話我係度仲好，唔洗唔知講咩；其實我覺得佢哥哥係鐘意同女仔講野多過男仔姐，或者同女仔反而多ｄ話題，又可能，佢做呢個行業的關係掛．．．令我諗到，人與人之間相處，真係人夾人，其實亦係一種學問！
問埋太陽哥哥的哥哥我地遲ｄ想去izzue買野，上次的收穫咪就係因為佢朋友囉！我地剪髮後就去izzue同IT睇下，太陽哥哥話想買件新裇衫去健的飲宴襯下我，聽都幾心架，攪到我又想買條新裙添，咁不如一齊襯一齊買新啦！嘻嘻~~但暫時真係冇咩睇岩，到時再睇啦！但我又有另一樣收穫，就係一條毛毛背心，想買一件毛毛背心好耐了，可以呢排的天氣著麻，難得睇岩亦價錢合埋，就好快決定了！
仲有一條波點頸巾，我好鐘意波點架，上次已睇中，但天氣還熱，冇咩興致想買，呢幾天一凍，即刻諗起它了！黎到經過一輪掙扎，決定到要咩色時，點知冇貨，訂了下星期，到時再比大家睇啦！多謝太陽哥哥！
另外，太陽哥哥喜歡Royce的朱古力，我就送了這個給他，因為我都想試下係咪真係好食麻！我隨意揀左款佢未試過既，點知．．．good good good！我個人愛吃朱古力，但唔愛入面太多攪作的那些，本身對nuts既野亦冇興趣，所以偏愛一些簡單的朱古力；好似See's 同Godiva，我就不懂欣賞，佢地比我感覺都係過甜，同好多我唔愛吃的東西係入面，比如nuts、almond等等，呢隻Royce，似乎令我有所選擇了，因為佢ｄ朱古力都係簡簡單單，岩我口味！
之後再特登走去買左馬莎的杏仁餅比媽咪，知媽咪鐘意食呢隻餅十幾廿年了，做女既又點會唔識做！另外買了一款我好鐘意食的馬莎朱古力送比太陽哥哥，大家互相分享下口味麻！
之後約了媽咪琪琪一齊食飯，去左媽咪鐘意的金潮小廚，勁多人，好在媽咪早左黎霸位咋！
飯後行街，見到一隻好大隻的菇時呀，好cute呢！
橫掂時間尚早，又拎住好多野，所以就送媽咪回家放低野，坐下等碌齡，同．．．太陽哥哥說出口的"我想睇翡翠歌星賀台慶呀！"，電視精又黎啦！唔係淨係我講，睇證據啦．．．太陽哥哥會睇電視睇到笑瞇瞇架，有相為證！仲有細妹話：嘩，唔係您開電視，呢ｄ咁既節目真係無睇好多年！但又真係好攪笑喎！仲叫我同威哥唔好對打nds住，睇左呢part先，真係勁攪笑！我地都pause左走晒去睇！全靠太陽哥哥，我地好耐無試過一家人排排坐一齊睇電視了，有種family之間好sweet好溫馨的感覺呢！
之後去左碌齡，去到比緊賽，等左好耐呀！等時大家係度嘻嘻哈哈，影下相，吹下水，好簡單，但有種friend之間情義的感覺；由初初太陽哥哥的加入，怕怕羞羞，唔敢講野；到宜家同佢地混熟，互相推撞，互駁有味笑話．．．朋友圈就係咁建立起黎，人與人的溝通，就係咁微妙！
要好好珍惜身邊的人呀！今日好似好感慨咁，其實冇咩特別，可能係呢幾天見返ｄ小學同學，餘奮未消姐！嘻嘻~~ 因為返左屋企先，同妹一齊除左con做四眼妹，影低ｄ"八父"相；玩完又叫太陽哥哥試下，好攪笑，原來，佢戴左眼鏡望去都幾似佢哥哥喎，佢大叫"大穫呀!!"，哈哈！
沒有留言:
張貼留言