今日陪太陽哥哥畫聖誕咭，所以冇出街，我就自得其樂，一氣呵成睇左張小嫻的一本小說，同埋重溫"怪獸公司"呢套迪士尼卡通；因為係青衣城見到ｄ聖誕裝飾麻，我印象中好好笑好好睇架，今次再睇，感覺一樣，好鐘意呀bu，又有感動的地方，總之有喊又有笑啦！
今日另一有意義之作，就係陪太陽媽媽買餸，買餸本身好普通，但對我都算係壯舉，因為係由顯徑行到去海福花園．．．攰死我了！我都唔知去咁遠既，比人厄左添！不過都算開心之作，因為可以見證今晚海鮮餐既誕生，加上陪太陽媽媽買餸，又氹到佢好開心噃，簡直一舉幾得啦！
呢個街市好多人喎，比起青衣個個勁好多呀！唔通呢度海鮮真係咁新鮮，所以個個都黎？ｄ海鮮真係成排咁掃過去架！
我地揀左瀨尿蝦同蟹，太陽媽媽仲有四隻蟹咁多．．．夠啦，我驚食唔晒呀！
買埋菜，攪掂！
大功告成，yeah！
回程坐巴士．．．返到去食下午茶，我鐘意的朱古力味！
食飽就有氣有力．．．睇野啦．．．嘩嘩嘩！刀法如神，勁！但好痛咁喎！無眼睇．．．
真係生猛到暈呀，係咁彈，係咁爬，嚇得我丫~~
登、登、登、登！
哈哈，我要食您啦！死未！同我塊面一樣長架！
今餐好豐富呢！太陽哥哥的聖誕咭亦大勁告成，我梗係勁鐘意啦，因為係用我既idea畫架麻，難得佢又滿意，佢仲話我跟住佢，會越來越有design sense，係咪架？我覺得我一向都有喎，哈哈！好，今餐就當係慶功啦！不過佢跟住又要work on年曆咭了，努力呀！真係好想同大家分享呢張聖誕咭架，但又要好似上次咁，為保神秘感，要忍住，仲有半個月多ｄ就會收到架啦，忍多陣啦！又一次睇住太陽哥哥用手親自起稿，係電腦度加線條，上色，加陰影，一筆一畫，尤如一針一血咁，當中的心血，希望每位朋友都感受到！等住啦~~
今晚的宵夜係每人三個mini cones，唔係太陽爸爸食左兩個，我估我地真係會每人四個食晒成盒架，傻架．．．但真係好好味，忍唔住口！而我，多了個宵夜，就係睇多次"怪獸公司"，因為太陽哥哥要畫聖誕咭唔得閒睇，但佢見我晏晝睇到哈哈大笑，又忍唔住啦．．．嘻嘻！無所謂，陪佢睇多次啦；我介紹既野，一向唔錯，有taste麻，而佢亦評呢套戲有九十分！so，大家快ｄ都重溫多次啦！
睇完都成一點了，正當熄晒燈訓覺時，先發覺聽朝要著的褲還未熨，太陽哥哥話起身幫我熨，原來佢唔知我係聽日著既，如果唔係實會早ｄ熨左；我梗話唔洗啦，咁凍，又夜了，頂多著第二條；點知佢堅持鬆開我隻手出去著燈開熨斗同我熨褲．．．我知佢知道我係度冇咩衫褲揀，所以先咁堅持．．．我已除左眼鐘鏡，睇野唔係咁清楚，朦朦朧朧咁係房望出廳，見住佢既身影，加上熨斗既蒸氣聲，佢咁夜仲起身為我熨褲．．．個下真係覺得，有佢就夠了．．．我有我既過去，佢亦有佢既過去，而我同佢因為緣份而走埋一齊，大家擁有既係現在與將來，其實咁，真係已經好足夠了．．．兩個人的現在與將來，相信對一段關係係最重要的，兩個人一齊為將來而努力，這亦係我所期待的一段．．．親密關係！
親密關係 - 鄭秀文
我嘆氣了 你都說中了
如數家珍 不多不少
每次(我)想說笑 你早已笑了
默契相通 不可干擾
為我解寂寥 一切紛擾
一經你勸勉 算了
未說的問題 咀角一牽已知曉
我跌痛了 你心也碎了
其中辛酸 彷彿抵消
我要衝線了 你心跳快了
步履彷彿都輕飄飄
愉快的心照 怎算輕佻
想起你我會暗笑
受你的照料 別人怎講亦不緊要
＊Ha...像關係親密的戀愛
Ha...但比戀愛更精彩
Wo...是超越表面的恩愛
Ha...沒有別人如此相愛＊
我氣餒了 你的信到了
原先抑鬱輕鬆不少
我要的戲票 你早已買了
像約好般 不准騷擾
愉快的心照 怎算輕佻
想起你我會暗笑
受你的照料 別人怎想亦不緊要
REPEAT＊＊
什麼都不愛 如果你不寵愛
沒有留言:
張貼留言