2010-09-25 (Sat) 太陽媽飲茶．精武風雲．Ben 大典開會

今日太陽哥哥旅行＋飲宴後繼續放假一天，約了太陽媽媽放工後去旺角飲茶！太陽爸爸返緊工黎唔到，我地就買左幾籠甜心外賣，帶去公司比佢同佢ｄ同事食！

跟住去左睇精武風雲～～

劇情主要係講打擊日本仔，感覺劇情跟『葉問』差唔多；同日本人決鬥，先係日本人佔上風，跟住丹爺突然變勁，反敗為勝！差唔多的片種，我個人喜歡葉問多ｄ。

有點擔心丹爺再係呢ｄ差唔多的戲種，票房未必再有保證！此片有丹爺露臀戲份，鏡頭一出，令人精神為止一陣！同日本人決鬥個場打戲，丹爺亦有赤裸上手扮李小龍，雖然唔知打打下點解會無拿拿要除衫，但丹爺全身肌肉真係幾靚既，唔係大隻佬個種大舊肉酸，係真係大隻＋健碩的體型！

 

散場後趕返青衣，約左Ben同兄弟們七點樓下大排檔食飯，跟住借左屋企比Ben開大典當日會議。

九兄弟只得六人，休同明記黎唔到，非洲自己上我屋企；食左兩餐飯都冇餐齊人，真係丫．．．子元係Ben大典的花仔！