上網睇左人教點樣去雞翼骨，今日媽咪咁岩整開雞，我就拎左佢個兩雙雞既四隻雞全翼去練習！
第一步要將雞中翼雞尖與雞鎚位分開，先用手feel下軟骨位既位置，然後係呢個位落刀，打斜咁切開：
咁就可以好靚咁將雞翼分開兩截啦，最重要唔係亂咁斬斷ｄ骨，唔係就會好易有碎骨，食係上黎好易會拮到！
然後用較剪係軟骨位附近剪開晒ｄ骨膜：
剪開骨膜後，一面向外反ｄ雞皮，一面推ｄ肉去底部：
直至反到見到成對骨：
擰走支幼骨：
再楂實翼尖及雞中翼的肉，擰走埋支粗骨：
成對骨就好完整咁離開左隻雞翼架啦！
再將係雞尖位置的雞中翼肉，向內反返上來：
一隻完整既雞翼就出現返係眼前，就咁望落去，完全睇唔出入面係冇左對骨呢！
學左點去雞骨後，遲ｄ就可整"釀雞翼"啦！練習完後，右手食指覺得刺刺痛，原來係練習去骨時比雞骨界損了，傷口仲比平時返工被紙界得更深呢！所以話呢，原來做主婦仲難過做 坐office 架，只係去四隻雞翼骨，咁小事已攪成咁，媽媽真係偉大！不過咁睇，釀雞翼真係一道好花心思＋時間＋精神＋耐性既菜式呢！
今日跳aerobic好勁，流左激多汗，激到連面上既毛汗都慘出汗點，忍唔住要影低．．．吸汗頭箍似乎已開始唔夠用，可能已經開始掌握晒成隻碟ｄ舞步，所以比以前跳得輕鬆容易，跳時變相特別落力同起勁ｄ，所以標左勁多汗，正呀！
因為想影close-up影到汗的"流動"，如果張相較得太細張又睇唔到ｄ汗珠，，但太大張就變得眼睛同鼻哥窿會嚇親大家，所以遮住佢地先！
沒有留言:
張貼留言