2010年2月25日 星期四

2010-02-25 (Thu) 半天海洋公園之旅.銅鑼灣鼎泰豐

 
 
 
 
 


因為有張海洋公園免費飛今日到期,唔想晒左去,我就搵左表姐同諾諾今日陪我一齊去喇!前幾日d天氣日日都好差,又凍又潮又落雨,估唔到今日天氣都算幾好,真係天公造美呀!


諾諾早上要上playgroup,所以我地下晏先去...去程途中,諾諾唔知係咪發夢呢?咁既表情既...



 
 
 
 
 


同諾諾出去玩,我通常都會充當攝影師,幫諾諾影好多靚相!先係入口影返張先~~



我成兩三年冇黎海洋公園了,入口位置變左好多呢;有個『七彩昇空天地』,不過表姐話好無聊架,所以我都冇興趣玩!



新年佈置:



 
 
 
 
 


先去大熊貓之旅,搭下盈盈樂樂!



其實我以前只見過安安佳佳,今次係第一次見睇盈盈樂樂,可惜盈盈去左食野喎,呢隻係樂樂!



今次亦係我第一次見棕色的小熊貓,一共有兩隻呢!



同假熊貓影相~~



Shake hands再影~~



 
 
 
 
 


跟住去金魚館:



先扮大明星簽名留念先~~



睇魚魚~~



原來金魚有咁多種既...



呢條好肥好大呀!



 
 
 
 
 


跟住搭海洋列車上山,我第一次搭咋,以前上山要坐cable car,十幾廿分鐘先上到山,但海洋列車只係兩三分鐘就到,勁快呀!



新年佈置~~打下鼓先!



 
 
 
 
 


表姐就晒我,去d我未去過既地方,比如水母館:



我都影左幾張靚相呢!



呢度太黑,加上水母都郁緊,呢張影得唔好呀!



水母會隨著燈光變色,好靚架!既然影唔到靚相,索性拍movie啦!



 
 
 
 
 


去完水母館就落下去集古村,因為個度有個魔幻冰上匯演,先係小食亭食野補充體力先!



魔幻冰上匯演:20 位溜冰好手傾力演出香港首個花式溜冰、高難度空中動作、魔術表演、節拍明快的舞蹈以及多姿多采的幻象元素於一身的世界級冰上大匯演。



 
 
 
 
 


我最鐘意有兩個部份,一個係高難度空中動作,呢位大力男真係又大隻又勁呀!最估唔到係佢失驚無神向我地飛過黎,仲係我地頭頂係咁轉呀轉呀咁...勁爆精彩、嘆為觀止!



 
 
 
 
 


另一個鐘意既部份就係魔術表演:



魔術師消失係箱中,係另一邊的高空出現,再飛回舞台!



估下箱入面變左咩出黎...我一見就O左咀,好leung同好唔岩囉,不過都算有嚼頭既!




尾聲時大力男再出現,先係用手勁轉一個好大個既正方體,跟住同太陽穴頂住轉,最後仲用手掌轉,真係好勁呀!



完show後觀眾可跟表演人員影相留念!



 
 
 
 
 


諾諾攬住熊貓公仔影相~~



跟住我地去左財神殿:



 
 
 
 
 


之後離開集古村,上返山上後,再搭cable car返落正門,七點就離開海洋公園啦!



 
 
 
 
 


離開海洋公園後,表姐車我去銅鑼灣,一來接表姐夫放工,二來我等埋太陽哥哥食晚飯,我地去左新開業既鼎泰豐銅鑼灣分店!



可能仲係試業期,唔算多人,等左幾分鐘就入得!門口有個大玻璃窗比食客睇師傅整小籠包!



 
 
 
 
 


銅鑼灣店好似太過尖沙咀店~~



餐牌第一頁已經好有氣勢!



原本鼎泰豐已經遍佈全球,犀利!



 
 
 
 
 


小籠包、酸辣湯同炒飯勁好味呀,我地食得又飽又開心!



 
 
 
 
 


沒有留言:

張貼留言