之後我地就去人蔘店，不過我地冇買到，表姐就買左．．．
人蔘的1至6年根：
我地冇野做就同諾諾扮model影相，仲教埋佢擺甫士～～
下一站係化妝品專門店，我地．．．應該成團人先係，入左好多好多UG Bang呢個牌子既貨！黎之前，我冇聽過UG Bang呢個牌子架，不過媽咪有個吉盒帶黎，有朋友搭佢買我先知知地；而其他團友，係有個 list 狂入貨架！聽講宜家越黎越少人黎韓國係買 Laneige同Skinfood架，宜家UG Bang同雪花秀最hit，但雪花秀始終貴價野，所以UG Bang最多人買，ｄ人返買係因為真係用過覺得好用同經濟，唔係ｄ團友點會成個 list 黎入貨．．．仲有呀，Laneige主要係for 25歲以下既女仔，因為佢著重保濕，但過左25歲，淨保濕係唔夠架，大家要留意啦！
以下既我既戰利品，UG Bang暫時香港都有兩間鋪頭，不過香港價錢貴韓國約25%；我買係因為前一晚用過隻 peeling gel sample，我平時好怕做 peeling 架，好似磨到塊面又薄又乾咁；但試完呢隻真係覺得幾滑亦唔乾；又見咁多團友係返兜，應該信得過，就買左喇！呢度有六盒面膜、兩支peeling gel、兩支可楂眼既精華素、三樽水珠面霜、一支BB cream（peeling gel 同水珠面霜係最多香港人買既!!），咁多野埋單千九蚊，都算經濟丫！
出血後就去食lunch啦，今個lunch食人蔘雞！
每人一盅人蔘雞，不過今日主角唔係佢，因為我地仲另外order左黎韓國必食既『皇帝蟹』！
呢位係導遊Pauline，佢簡直係李珊珊＋苑瓊丹既混合版：
主角『皇帝蟹』，好大隻呀！！！今日市價WON85,000一公斤，我地叫左兩隻各1.9公斤既！
難得食好野，梗係要影相留念先啦！
同我塊面差唔多大咋，好勁呀！
另一隻：
跟住Pauline就教我地點剪點食．．．
睇完示範我地都動手啦，但實在太大隻啦，我都唔夠力剪，唯有靠太陽哥哥～～
『皇帝蟹』前後：
我諗大家都試過跟團時，另外再比錢試所謂既高檔食物，比如去日本食鱈場蟹、海膽、神戶牛柳等等；食完通常感覺係：一般、被掠水、同普通蟹／牛柳無咩分別啫．．．我地上次去北海道都一樣，比左千幾二千蚊食鱈場蟹，食完感覺係：以後唔會再咁戇居囉．．．
但今次食『皇帝蟹』，真係超勁爆正呀！暫時係成世女食過最好味既蟹！真係冇講大話架，個個團友都係咁話，我地個個都食到lam lam脷
飯後我地仲去探『皇帝蟹』，Pauline好好人呀，帶我地去搵蟹不特止，仲擅自撈左隻比我地楂住影相！
我地見老闆眼定定咁，唔知係咪驚我地傳蟹時會跌親佢ｄ寶貝呢？
其實我好驚我地會整斷隻蟹ｄ腳囉，如果斷左隻腳都真係唔知點算呀！
沒有留言:
張貼留言