進入牛年最後一日公眾假期啦，早於前陣子慶祝明記生日時，已約好碌齡朋友們今日上深圳一日遊，玩下小型賽車同揼骨！約好十點係上水站集合，因為有罰款措施，各人都好準時，非常好！（諗返好似鑫遲左成十五分鐘喎．．．）
到達深圳後，由太陽哥哥帶路，搭地鐵過東門的新星酒樓飲早茶！
被侍應帶到211號檯，竟是我的生日，好邪呀！
呢餐食左勁多點心，埋單每人只係四十多元，好抵咁；但當食完晚餐個餐後，諗返呢餐其實四十幾蚊位係貴呢！一陣睇下我地晚餐食咩就明架啦，可能呢度係香港人開，環境又非常乾淨，算貴價地方吧，睇壺茶就知啦！
暫時有八個人，等埋健上到黎後我地就出發，先去買碟，跟住坐休安排的九座van去沙井小型賽車場！
等車期間，明記扮劉翔．．．扮成點．．．您地話呢？
影完大合照後，跟住我提議影跳跳相，好好玩呀！嘻嘻～～
人多難控制，根本唔係數到三個下跳，定係三之後個下先跳的問題，而係攝影師的技術，睇下我同太陽哥哥，影到咁，係一take過架，兼且我地係唔需要數一二三的，只要負責影個個ready好，對方隨時跳就可以了！點先叫ready好？呢樣就係技術囉！哈哈～～
呢架車比上年的大，坐得非常舒服，貴多少少都值既！
好記性的朋友，應該知我唔係第一次黎呢個場了，第一次黎係2007年8月BEN舖頭開張，我地上黎到賀兼玩小型賽車，當時買好飛後竟然落雨，最終只係唔怕污糟的幾位朋友玩左；所以今次雖然我係第二次黎，但正式楂小型賽車只係第一次！
今日個場都少人，天氣又好，應該冇問題了！
100cc要著賽車服架，所以我地只玩80cc，六十蚊十分鐘佢地話係好抵玩架啦！
上次黎的相片回顧，睇下當時有咩人先：
當天詳情可到 此處 (<- click)
好啦，今次有咩人呢？睇返先知好多唔同左呢！
真係奇妙，同一個地方，同一個場景，只係時間同人物有所不同！
簽生死狀：
其實都唔算生死狀既，只係租車規則咋！
等候期間，我地連頒獎台都唔放過，一於自拍十張先！
樂極生悲，太陽哥哥踎底起身時，健的頭在他頭頂，健棚牙跟太陽哥哥的頭部撞到正一正！跟住太陽哥哥的頭部紅了一個"圈"，因乜解究係一個圓圈形既印呢？真係摸不著頭腦．．．
明記扮主席開會，笑爆咀！
到我地玩啦，女士們要把頭髮紮髻，馬尾都唔得；跟住笠住呢個超樣衰頭套，不過係乾淨既，只係洗到好硬身，肯定冇落柔順濟啦！
戴埋頭盔就出得場架啦！
健身長腳長，小型賽車對佢真係太小型了！哈哈～～
我地呢ｄ嬌小型就岩岩好，準備出發啦，心情好緊張呢！因為未楂過，唔知80cc車速其實係幾快呢？
其餘朋友仔因為係我前面，幫唔到佢地影相，真係唔好意思喇！
楂後感：都幾好玩，車速好快，我只係直路先敢踩盡，ｄ車一ｄ都唔雞，相比起香蜜湖玩個ｄ正好多倍！其實咁遠黎到，又租埋van仔黎，應該玩兩次先抵既，但由於部份朋友們玩完十分鐘已手震，加上下一round要等一小時，我地只係玩左一次咋，有機會先再黎玩過啦！
以下係2007年去香蜜湖玩的高卡車場，呢個場超細車又"咋"，大家可參考下，當天詳情可到 此處 (<- click)
時間真係過得好快，咁就前後兩年，歲月不留人．．．！ 
沒有留言:
張貼留言