今日係年廿七啦，太陽哥哥話行花市就趁今日行，少ｄ人喎，唔係聽日星期五同黎緊weekend實睇唔到野，只係得個迫字，係被人迫住咁行呀，所以我地今晚就去左維園年宵市場啦！
但．．．咁都叫唔多人？係記利佐治街開始已經有警察叔叔控制人流啦．．．
其實我好多年無行花市啦，因為我好怕人多擠迫既地方；睇下，未去到已經咁．．．我好驚呀！
咁多人，點行喎．．．但既然都黎到，點都要行返個大運架，唯有go go go啦！
太陽哥哥話咁既人流已經算好架啦，雖然大部份時間都係通道的中間位行過，但有ｄ位都可以行近舖頭睇下野已經好好啦！
多年冇行花市，發覺花市好興賣jumbo size既野，岩晒我！我見到都大開界，有ｄ真係好攪笑，幾得意架；我地都諗下有咩jumbo size既野買黎岩第時用，但有ｄ想買都冇買，因為真係拎到返去其實冇咩用，仲要搵地方擺呢！
jumbo size 金莎：
jumbo size 雞蛋仔，仲對摺左放係jumbo size 紙袋度，幾得意，但買左返去真係無咩用呢！
今年係牛年，好多以牛為主的產品，吹氣公仔更多不勝數，呢個牛牛捧好可愛呢！
有一款仲攪笑架，係幼身長長的一條，長度再多呢個一半啦，成條長頸鹿咁架；雖然得意，但又係冇咩用，所以只影相冇買到呀！不過年宵市場個個人都好好，知道您唔買後都唔會黑面，兼具仲會講：唔緊要，最緊要開心，祝您新年快樂！聽到都好窩心架，雖然大家對對方黎講都係陌生人，但佢地都冇為左賺唔到錢而態度差，仲話最緊要開心；係呢個時勢有咁既銷售態度，真係令人感到好溫暖呢！
改良左既Ｑ版魚蝦蟹，真係 so cute喎！
呢個攤位係一班中學生開架，仲著晒校服校褸攪gimmick，真係年青有為！留意棚架高處仲有個學生哥係上面吸引途人呢，我遠處見到時，覺得好似ｄ鬼屋屋頂既假怪獸係度郁下郁下咁呢，哈哈！
佢真係好落力咁招攬途人架！
好多金牛：
金元寶枕頭：
有個jumbo size添呀，仲可免費合照，但咁多途人望住，我地都唔敢影呀，哈哈！
長洲的包山我都未見識過真身，今日反而見到全場獨家既"牛包山"，勁攪野！
jumbo size 鴨仔，但無咩人吼呢，梗係啦，牛年無拿拿整ｄ鴨仔出黎賣，格格不入，哈哈！
jumbo size朱古力奶，其實入面有個cushion，但唔靚既，反而我想要個盒多ｄ！
呢個"牛串燒"同"金銀米"全場得一檔架咋，"牛串燒"更係我覺得可考慮買的產品！
我都唔明點解要買花買桔過年，擺完就謝，謝左就丟！如果我有自己屋企既話，我會買ｄ得意同可reuse既產品，我覺得佢地比起真既仲cute仲colourful啦！呢款大吉就係其中一種，攤檔名字都好有心思呢，仲有埋對聯添，真開心！
其次係呢款四代同堂，有晒老人家樣、大人樣同小朋友樣架，我真係覺得好得意架，您話係咪好過買真花呢！
另外仲有ｄ裝飾特別的攤檔：
我地唔係行得好仔細，走時都接近十一點，因為我地仲趕住去谷祖琳係大坑新開既甜品舖食糖水，聽日仲要返工呢！
沒有留言:
張貼留言