今日係牛年年初一，係度祝大家：
最重要係要金得金、要銀得銀、想個樣得個樣、不勞而穫等等，哈哈！
今個年初一我好忙碌呀，先去姨媽度拜年，話時話，我好多好多年冇跟媽咪去姨媽度拜年啦，因為覺得又遠又悶，但今年意義重大，唔．．．總之想今年開開心心逗利是，最好親身去接收呢ｄ利是啦，加上親戚一年只係見一次，去到就應該去既！
原來今日係表弟安生日呀，做左咁多年親戚都唔知，真失敗，希望有機會同姨媽呢家人熟返ｄ啦，話晒親戚唔多，唔開心既往事，係會隨時間凋淡既！咁岩媽咪過幾日又生日，所以呢個蛋糕就由兩位壽星代切喇！（相片係由表弟相機影既，所以容後補上！）
最攪笑係表妹寧老公原來同我同一生肖兼同年，而表弟安係細我一年但跟我同一生肖，我係年頭佢係年尾，所以我地三個係同一個生肖，真係意想不到！我仲好驚訝咁同表妹老公講：下，睇唔到您成ｘ十歲人架啦喎！哈哈！
原來表弟彈結他好勁架，係教會仲有幫手，睇佢薯仔頭咁，估唔到咁叻仔！我仲叫佢表演下，跟住佢同威哥係冇夾過的情況下即席一彈一唱張敬軒的"遇見神"，都唔錯丫！
跟住出發去屯門嫲嫲家，呢個係每年年初一指定動作，一入屋已見諾諾係度行黎行去迎賓啦！
比個新LOOK前後大家睇下先，我覺得有ｄ似疆屍仔呢，嘻嘻~~
諾諾好鐘意痴住細堂弟呀，仲會挨落佢個身度添，佢地又唔係成日見面，大家都覺得好奇怪，點解會咁既？
個個都想同諾諾影相留念：
跟住去酒樓食飯，諾諾識同大家cheers架！
諾諾先開飯，有三文魚、豆、菜：
食到有兩隻疆屍牙呢！
三堂兄弟影返張先：
加埋表姐夫先：
跟住到我地，咦．．．點解太陽哥哥係度既？係呀，係時候帶佢見下我個大家族啦！佢係第一次見我爸爸呢邊ｄ親戚架！我見佢全晚都幾淡定，仲答左叔叔佢地好多問題呢，其實唔知佢個心當時驚唔驚呢？有冇Ｒ底呢？有冇嚇到係檯底搣手指呢？嘻嘻~~
呢張影到諾諾好嗲好可愛呀！
諾諾都算叻仔，要佢坐係度兩三粒鐘都唔少野，咁我地都要比好多野引下佢，分散下佢注意力；除左搣紙巾，仲有玩具、電話，連我送比表姐屋企的桔仔都要比埋佢玩呀！
我地個開年大餐，只係影左少部份：
諾諾食完飯後，玩下又休息下後，又要食啦．．．食麵包同飯後果！
諾諾似麵包超人嗎？呢個係佢既玩具黎架，第二張個樣好攪笑！
飯後果係藍莓，真係識食喇！仲有專用叉仔，識得拮比爸爸媽媽食呢，叻叻！
叔叔帶諾諾睇魚魚，我的叔叔跟爸爸不太似，反而似智叔廖啟智多ｄ，嘻嘻~~
表姐預備的特備節目，呢個cake好正呀，有鮑魚、帶子、髮菜，好好意頭架！但我地已經好飽．．．食埋蛋糕真係飽到嘔咁滯．．．
除慶祝新年外，仲係預祝媽咪的生日，表姐真係有心喇！大家輪住影下相先：
呢張諾諾個樣超為食呀，好得意！
大合照：
諾諾被媽咪抱住影相後，就一路一齊切蛋糕，好奇的諾諾對每個動作都好有新鮮感！
玩諾諾時間：
帶諾諾睇魚魚時間：
兩個都好似忙緊公事咁喎：
沒有留言:
張貼留言