今日係年廿九啦，屋企仲有張美心蘿蔔糕未拎，我起身後就同媽咪去左青衣城，食午餐同行下街作最後衝刺！
去到先知原來青衣城用左老夫子做新年裝飾主題，我真係好耐冇黎青衣城呢！
呢個老夫子 jumbo 全盒裝飾真係好靚呀！
呢兩格係瓜子同蓮藕：
呢兩格係蓮子同角仔：
呢兩格係瑞子糖同糖冬瓜：
呢兩格係糖唔知咩同唔知咩糖，哈哈！
今日係年廿九啦，媽咪話正月唔可以買鞋，但我仲想買呀，所以趁最後機會，買左．．．四對！
其實我一路想買對黑色靴架，咁岩今日睇岩，即刻扑鎚，我驚再唔買要過多個月先可以買，到時睇岩又唔買得，好痛苦架麻！呢個靴款簡單得黎又係ｄ襟興款，所以我買埋啡色比媽咪，當係佢的生日禮物，母女裝，型呀！
屋企點都應該有一對金色鞋同銀色鞋看門口啦，正所謂金銀滿屋麻，哈哈！銀色我已經有，一路都未有金色，難得呢對金色平底著得都幾靚，帶埋佢返屋企先！
呢對黑色高踭鞋嚴格黎講係為左太陽哥哥先買架咋，因為想著左高ｄ，同佢高度拉近ｄ囉，足足有三吋高架！著高踭鞋一定比著平底鞋辛苦，尤其是我呢ｄ十年都唔著一次既人，加上我對腳一向皮薄(饀靚!! wakakaka~~)，好易挖腳同起水泡架，所以我買高踭鞋一定要買ｄ較為舒服既牌子，唔似買平底鞋咁，求其係街邊買都得；呢對要六百幾蚊，對我黎講都算貴架啦，我買埋係因為佢咁高著落都舒服，最後埋單個銀碼都幾肉痛呢！
沒有留言:
張貼留言