今日係我同太陽哥哥第一次兩家人一齊做節，雖然兩家人唔係第一次同檯食飯，不過今次係一齊做節，我覺得好值得紀念，感覺好似由宜家開始，我地兩家人將會更親密，做左第一次節，以後可能都會有機會一齊做節呢！
今次係媽咪作出邀請既，所以地點係佢提出，佢揀左金潮小廚，因為呢度較為經濟同真係好食！不過因為地點問題，同無得訂位，攪到我好尷尬同煩惱，今日係年廿八，實好多人，我好驚人地黎到原來仲未有位食呀！
最後約好食九點，因為太陽大哥哥都要收好晏；穩陣起見，我一放工已打去mark晒名，八點再親身去到問，點知．．．都係要等，成棚人係出面等到成九點九咁滯，太陽哥哥好不滿呀，佢好惡同一肚氣，黑晒面對住班侍應，我好驚呀，太陽大哥哥仲想幫手鬧人添呀！
咁既情況，我成餐晚飯都唔敢影相呀，大家又好肚餓了！
另外，我地行埋葵芳的年宵市場，不過呢個場好雞呀，冇咩吸引我，加上維園都見過了，好似呢個四代同堂，不過今次可能近埋去睇真ｄ，原來幾多個可再買黎加上樹枝到架，即係您想八代同堂都得架，哈哈！
長頸牛公仔都係維園見過，不過呢度有埋pooh pooh同jump jump tiger，幾攪笑，小朋友好鍾意拎住黎打交呢！
呢款大串燒就第一次見，真係好大支！
既然今餐飯冇得影相，不如我講下尋日同太陽哥哥行年宵市場前餐晚飯啦！我地試新野，去左崇光地庫間北海！
睇display覺得呢個北海珍寶拉麵好大好吸引，全場最大碗架！
呢度價錢好抵食咁，比起本地味千好似正宗好多！
我地叫左個芝士粟米拉麵餐跟餃子，同埋一個北海珍寶拉麵！
味道方面，唔知係咪環境影響，我同太陽哥哥都覺得好似北海道食過的拉麵咁，好正宗的拉麵，好味過味千呢！但食到最後，我飲湯時覺得好咸呀！
沒有留言:
張貼留言