 |  |  |  |  |
尋晚同太陽哥哥傾傾下電話突然好想飲益力多，呢排天氣凍，好似食極都唔飽，成日口痕痕咁！
點知今日返返下part-time，正當我聚精會神咁對住個mon打緊野時，突然有一團影好快咁行過黎，跟住呯一聲放左舊野係reception檯度，跟住好快又閃返去大堂lift口．．．成個動作只係兩秒間發生，抬頭一望時只見到太陽哥哥身影，原來佢給我送上一個驚喜．．．
入面有一排益力多，點解得返四支，因為有一支已瞬間比我 KO 左，哈哈！
| | | | |
仲有兩舊炸魚餅既物體，太陽哥哥話見多人買兼且就買黎比我試，開頭都驚有魚肉係入面，點知冇既，一ｄ都唔關魚事，仲好好味呢！熱騰騰，係咁凍既天氣送上呢個驚喜，真係好窩心呀！
兩舊咁多點食得晒，就同part-time同事一齊 KO 左佢地啦！
今晚我覺得自己好幸福呀，發覺太陽哥哥好錫我，好感動呀！雖然好小事，但呢ｄsurprise通常只會發生係熱戀時，但今晚發生係已拍拖兩年半的我們身上，有種重回剛開始的感覺，雖然有ｄ肉麻，但兩個人一齊，真係要 keep住有ｄ生活情趣先得架！我咁開心，因為part-time同事同我講：您男朋友好錫您呀，我男朋友都唔會做呢ｄ野既，好羨慕呀！
頓時，覺得自己好幸福囉，因為眼見身邊拍左拖兩三年既朋友，都冇咩呢ｄ驚喜，莫講三四年或更長的時間，可能已經去到悶的階段呢，尤其是ｄ男仔，已經懶得去氹女朋友架啦！所以覺得自己好幸運，嘻嘻~~ 不過，幸福唔係必然，好多野都係雙向既，等我都諗下ｄ花臣氹下太陽哥哥先！
| | | | |
沒有留言:
張貼留言