今日太陽哥哥帶我去買小馬揮春呀，佢仲驚賣晒，今日同我講原來佢尋日放工黎左次睇有冇貨呢！嘻嘻~~
一去到天地尖沙咀舖地下，扶手電梯旁已賣晒廣告啦！
好鍾意呢個小馬look，件工人褲/裙仔勁cutie，呢個 look未見過，算唔算係新衫呢？
第一次親眼見到小馬產品，但都幾貴，大萬字夾或者磁石都要成三十蚊，所以冇買呀，只係幫襯左三套揮春！真係唔該晒yammy託我幫佢買野，咁我就唔洗特登搵野買先換購到揮春啦！
另外睇中左下面本書，因為成日覺得自己個人太直，有咩鍾意唔鍾意，識我既人都了解，我係ｄ唔鍾意有野放係心既人，一有唔妥，我鍾意即刻解決，唔想收埋收埋，但可惜講野技巧原來係好重要，尤其一ｄ敏感話題，出發點可能係為雙方關係好而提出，但因為技巧唔好，而令對方誤會，仲聽唔入耳，變成反效果！
其實坦白係好，但有時技巧唔好就真係弄巧反拙，同埋唔係個個人都接受到人地指出佢有唔妥／令人唔開心既地方，跟住做成中間的裂痕；講真，去到呢步大家都唔想，如果我早知道對方接受唔到，我情願唔講，所以坦白雖好，但係時候我都要明白，或者學下，唔係樣樣野講出黎都係好既，因為好多野都唔到我地控制！
不過點都好啦，學好ｄ講野技巧都係一種學問，同埋對自己有好處既；本書仲係彩色內頁，又有圖畫／漫畫做例子，對話都幾得意，實唔會睇到恰眼訓，好岩我；可惜嫌佢太貴，明明台幣NT220，點解會標價港幣$73架？特我問下係台灣既 Didi 先，橫掂佢新年會返黎，都係過多一個星期度啫！
買完揮春我地去左厚福街食越南野，碟雞好好食呀，so good！拼盤同菜都好食，冇諗過碟拼盤咁鬼大碟，但碟炒粉就 no good 喇！
其中一套揮春貼左係公司啦，順左以下咁既次序，配合返小馬「頂...勁 歎!!」& 「頂...勁 靚!!」 既 idea，哈哈！我仲聽到有ｄ學生望到話 "好攪笑呀!" "好cute呀!" 咁．．．嘻嘻~~
黎個close-up先，大家除左望到揮春外，有冇咩發現呢？呢．．．係揮春上面既呢．．．
咪就係andox仔囉，太陽哥哥聖誕咪送左架電單車仔比我既，既然我楂唔到，咪留比andox仔楂囉，咁岩佢又坐到喎，哈哈！
沒有留言:
張貼留言