今日睇左赤壁下集啦，記得上集係同埋BEN七月時一齊睇既，諗住下集都約埋一齊睇啦，不過佢好忙，聽日仲上機去旅行添，唯有跟太陽哥哥兩個人睇啦！
下集好睇過上集好多呀，我一路好期待的火燒連環船，非常緊張刺激！仲記得上集諸葛亮(金城武)一出場講野我就會覺得好悶，仲悶到訓著左添！不過今集冇咩悶場，除左火燒連環船外，諸葛亮借箭呢幕都好精彩，仲好有幽默感呢！
其次趙薇潛入曹操軍營扮曹軍個幾幕都幾深印象，當然唔少得包係佢身上個塊好長既布；佢將曹軍個營地 floor plan畫晒係ｄ布上面，跟住駁埋一齊，好多好多塊．．．除出黎時，林志玲係一邊係咁拉，佢就係另一邊一路轉圈，轉轉轉．．．除剩個肚兜咋，非常性感，哈哈！
沒有留言:
張貼留言