今日係Jacky的大日子，真係可喜可賀！
一年前剛巧Tracy返香港放假，Jacky向我地宣佈他的結婚喜訊；一年後的今天，就係他的大日子，時間真係過得好快！
難得Tracy專誠飛返黎，我呢個好朋友都唔輸蝕，同公司申請放假，平時放假當然冇問題，但今日係學校開學，根據慣例，開學頭兩星期係唔可以放假架，好在同事們都好體諒，對我網開一面，實在太好了！
要放假，其實係好想見證下午舉行的註冊儀式，好在都能親身去道賀，見證重要的一刻！
有兩位小學同學係兄弟團，Tony仲係伴郎呢！
佢地咁靚仔，梗係要影下相啦！唔知點解Tony次次同我影相都鍾意伸脷，我諗我要告佢性騷擾先得，哈哈！
註冊地點係紅磡都會商場的伊甸園，由於今日係閒日，成個場只係得一對新人，時間亦非常鬆動！由於部份賓客們已坐好等候，我地怕悶就係出面吹水，仲同新人係隔離hall影相＆綵排入場，非常攪笑！
呢個只係綵排咋，成個場都冇人架，哈哈！
正式入場，登～登～登登～～登～登～登登～～
感動的一刻，我願意．．．不過兩個都好蝦碌，講錯左少少，真係夾！唔知係咪因為Jacky係我好close的朋友，見證佢結婚時，比起其他新人特別感覺，個心係會跳同感到熱血沸騰架！
交換戒指：
簽紙．．．從此就做了老襯啦，哈哈！
Ｖ＋ＯＫ手勢，等於"三年抱兩"呀！
姊姊團：
兄弟團：
小學同學團：
咁多group人，點解攝製隊只係要求我地呢group做ｄ咁浮誇既動作既？真係摸不著頭腦，唔通我地最young感覺最out-going？嘻嘻~~
婚宴設於黃埔海逸酒店入面的景逸軒，非常近同方便！
呢度有一邊玻璃景色，景觀相當唔錯，不過只限日頭時間，因為賓客黎到都已天黑了！
MENU：
寫錯左我個恩字呀><！
婚照共賞，一本係傳統式相簿，一本係雜誌式相簿！
雜誌式相簿第一次見，影低好多相呢，因每版都有歌詞，新郎新娘都係克勤迷，歌詞全係克勤既歌，可玩估歌仔呢！
新娘換好衫後，早黎的好處就係可以影好多好多相！
我地都黎個"三年抱兩"既手勢先！
今日又可以見好多小學朋友，當然開心啦，最重要係，一位小學老師都有黎呀，太感動！相識於超過二十年的老師與同學們能聚首一堂，試問有幾何呢ｄ情況同機會呢，真係好奇妙呀，so amazing！
難得相聚，指定動作除了一眾合照外，每個人的單對單照當然都唔少得啦！嘻嘻~~
婚宴正式開始，先黎成長片段：
跟住新人進場：
接新娘片段：
新郎給新娘的驚喜，只係唱克勤歌一首，實在太馬虎了！點解我咁講，其實咁多年，我地都知Jacky有一把好好既歌喉，甚麼情歌不論廣東國語真係一絕架，有時我仲覺得好聽過原唱者呢！並唔係誇，係真架！所以之前我已經叫佢唔好齋唱克歌咁冇誠意，點知佢真係．．．不過可能佢真係太忙啦，如果可以，佢應該自彈自唱，無謂晒左呢度個鋼琴麻，唔係個個婚宴場都有鋼琴麻！
心心綿花糖甜品：
送客時的合照：
婚宴就此告一段落，頓時好有失落感；其一今日係同Tracy相聚的最後一天，今日一別，可能又要一年後先有機會見，佢係我最好的朋友，要分隔兩地，當然好心酸啦，感覺有如跟戀人分別一樣．．．其二係，睇住Jacky呢一年的籌備，中間見證住佢遇到的問題及煩惱，但就係一晚短短幾個小時間bing ling bump lam咁進行，好似一年的預備就咁冇左，令我覺得結婚攪咁多野真係好煩好煩，一年的精心籌備就係為左短短呢幾個鐘，中間仲要面對唔少壓力同煩惱，唔少得仲會同戀人甚至屋企人有磨擦，其實．．．值得嗎？我聽過身邊唔少朋友都係咁，令我都怕怕呢！
沒有留言:
張貼留言