登、登、登、登！冷衫仔隆重登場！佢地係咪好鬼cute呢？
我媽咪一向煮野又得，織野都好得架！咁無謂埋沒佢天份啦，其實係前排媽咪有位朋友叫佢幫手織兩件ＢＢ冷衫仔，媽咪唔知係咪織開有條癮，可能呢排天氣又凍啦，做完朋友單生意後就唔知做咩，繼續係咁織多左幾件添！我見咁靚又型，不如試下將佢既作品post出黎，睇下有冇人會有興趣啦，hand made 溫暖牌黎架，仲有埋靚靚衣架，一件我媽咪都要用十至十二個小時去織架！
不過我都知有ＢＢ會對冷敏感，洗又麻煩，ＢＢ又大得快，冷衫仔實在唔襟買，不過我旨在分享，同大家讚下我咁叻的媽咪！有興趣先留言比我啦，怕羞就留私人回應比我啦！
等我放埋我件衫係旁邊先，咁大家就想像到ｄ冷衫仔幾細件幾cutie啦！
每件比個close up大家睇先，我見媽咪織冷衫織左幾十年，都未見過佢咁開ｄ鈕位架，所以第一眼見到就覺得好特別同好型，因為係街買個ｄ都未見過咁既款呀！
媽咪既諗頭源源不絕，過兩日又比件新我睇，係另一個開鈕位，今次係男仔V領！
跟住到男仔圓領：
咁多件當中，呢件係最迷你架，最cute係佢架啦，睇佢只係剛剛遮到我媽咪塊面咋！
原本我最鍾意上面最mini個件既，但媽咪一比呢件我睇，我就即刻轉軚最鍾意呢件啦，好花心呢，因為覺得呢隻色好襯ＢＢ囉！事緣媽咪貪得意織個ｄ，都係用之前剩落既冷，咁大人冷衫通常都係ｄ大路色架啦；我同佢講過ｄ冷衫仔得意就得意，但ｄ色麻麻地，佢就轉下色啦！呢件有ｄ似第一件，但加有a-line style，因為特別比ＢＢ囡著麻，有ｄ似裙仔咁，想像下個ＢＢ囡著到去大脾位，跟住個 pet pet 漲卜卜咁，好盞鬼呢！
呢件開鈕位係衫腳，但ｄ鈕仔用晒，未釘到住，大家憑空想像下先啦，哈哈！
掛埋一齊先～～
呢件顏色雖普通ｄ，但勝在夠 in 夠型，因為我媽咪叻到連帽都識織囉，哈哈！不過又係未釘鈕，佢話想好似漁夫褸咁左右咁扣喎，雖然未睇到製成品，但大概估到佢咩意思既，應該會幾型既！
不過呢件已reserved左啦，仲係比一個大頭ＢＢ呢！
沒有留言:
張貼留言