健剛從埃及十多天旅遊回港，MSN話我知帶了手信給我，我當然好好奇問佢咩黎，跟住佢就send左兩張相比我．．．
我打開一睇，都唔知好嬲定好笑，好嬲係咁就叫手信？好笑係，這的確係好特別的手信，我唔係客套或者敷衍咁講架，因為我衷心感到，健真係好鍾意我每年寄上的聖誕咭同年曆咭，佢係其中一位朋友，一收到會即刻同我報告同講多謝，因為有ｄ朋友真係一ｄfeedback都冇架，佢今次唔淨止鍾意不特止，仲代住去旅行，係我呢生都未必會去到的埃及金字塔前，拎埋出黎影相，有如帶埋我地一齊去旅行咁，點講呢．．．或者咁講，就算調返轉，自己好鍾意朋友的年曆咭都好，都唔會鍾意到咁既程度：會係旅行途中，記得拎出黎影張相，等返去話返比個朋友知，我帶您去旅行呀！比著我，實係掛住玩，點會記得張年曆咭仔丫！
所以真係覺得健好有心，好感動呢！佢呢下，氹到我好開心呀，哈哈！多謝您呀，仲要多謝您的支持，我地實會每年都寄比您架，直至死為止啦．．．哈哈！
沒有留言:
張貼留言