又夠期去捐血啦，今日係我第27次捐血啦！
仲以為今日係年三十會勁多人，點知少人都爆，太好了，我地買左飛睇戲仲驚趕唔切，宜家大把時間之餘，仲好開心可以係過年前攪掂埋捐血呢件事，等我唔洗成日心掛掛，因為要就埋太陽哥哥的時間真係好難呀！
姑娘見我地想影相，好好人咁主動行埋黎幫我地影，影單人相仲係佢既主意，唔係我地叫架，唔通因為少人黎捐血佢地咁得閒？
原來今日捐血有紀念水晶送呀，唔知係咪新年期間都有呢？我都唔知有紀念品添，係姑娘拎埋黎先知，唔知係咪善有善報呢？哈哈！
個紀念水晶份量都唔少架！
隨手拎起ｄ新年裝飾都玩返餐，不過講表情浮誇，拍馬都唔及太陽哥哥，哈哈！
之後就去左睇期待已久的"崖上の波兒"！
我覺得好好睇呀，簡單的小朋友故事，但黎得感動同開心舒服，畫面又畫得好靚喎；睇完心情輕鬆，係咁停唔到咁哼著片中的主題曲！
商場入面有個大型"崖上の波兒"展覽，睇完戲後一於去影下相先！
我好似小朋友咁，乖乖排隊等候影相．．．
呢個大山窿係片中係海洋深深處，波兒原本既屋企黎架；我地係咁扮係頭頂上的波兒，好攪笑呢！
入去大山窿啦．．．抬頭望上天花頂，好多波兒的細妹呀，同埋好多大水母呢！
狂影相時間．．．
波兒布偶呀，我好想要呀！點先有呢．．．？
男女主角宗介同波兒一齊的公仔喎，一定要影啦！
連周圍的牆畫都唔放過，一於影埋去啦！
太陽哥哥經過個counter一手拎左呢張硬咭揮春，點知發覺原來要消費換架，我地諗住放返低啦，點知個哥哥話：唔緊要啦，您都拎左，無所謂啦！又會咁好人既，哈哈！不過我真係好鍾意呢張揮春呀！
波兒係度祝大家今年如意吉祥！恭喜恭喜！
沒有留言:
張貼留言