今日係2009年第一炮的一月之星生日慶祝，今個月只得明記一位壽星仔咋，我地去左荃灣愉景新城outback steak慶祝，連陸ＢＢ都有黎呢！
我好耐冇見陸ＢＢ啦，佢變大左好多呀，頭髮亦變長左好多呀，眼仔碌碌，又唔多喊喎，好過癮呀，我地仲係長檯度當佢波咁，一個一個傳黎抱呢，幾攪笑呀！
八月時得四個月既陸ＢＢ，宜家已經八個幾月啦！
用腳仔拍手？不過陸ＢＢ冇咩反應，只係捉住太陽哥哥對大手咋！
一ＴＡＫＥ過的合照，剛巧陸ＢＢ笑，仲見到佢對牙仔呢，好好彩呀，成晚其他相都冇張笑得咁開心架，梗係啦，我地本身就係吸引到ＢＢ既人啦！話晒我細佬細我九年，我細個係屋企已練習過湊ＢＢ架啦，換片氹眼訓都有板有眼架，哈哈！
小手拉大手．．．我一同ＢＢ玩，就鍾意影佢地ｄ手仔腳仔架啦，拼埋落大人的手同腳度，亦別有一番溫馨感覺，仲帶有藝術feel呢！不過呢度太暗，閃光又太爆光，影得唔太靚呀！
切蛋糕時間：
先同各人／各pair合照：
大合照：
由於頭先個餐食得唔飽，我地興起再搵地方食宵夜，我地一齊漫步咁，邊傾計邊散步行返去市中心，雖然有ｄ凍，但一大班朋友一齊，好開心呢！我地仲計劃年初二同年初三上大陸玩呢，唔知攪唔攪得成呢？期待+ing~~
因為有個心型魚旦，我就揀左呢個麵喇！
今晚健仲派埃及之旅手信，每人一張明信片及一個鎖匙扣，我同太陽哥哥揀了勁有代表性的埃及妖后同獅身人面像！
健話埃及一生人應要去一次，唔知我有冇機會去呢？不過要趁後生去喎，因為都幾舟車勞動架，十天入面只係三晚酒店，其餘係三晚訓船、一晚訓火車、兩晚訓飛機！
係度分享下健的攪笑相先，我諗佢唔介意既，嘻嘻~~
呢兩張好正呀！
呢個甫士勁似向世界出發！
唔望鏡頭仲"桹"起隻腳，呢個甫士．．．勇！
學左我同太陽哥哥，成日跳跳跳咁喎，去旅行影跳起既相，的確係好好玩同影得好開心feel架，呢張見肚呢，哈哈！
沒有留言:
張貼留言