呢ｄ咁醜樣的聖誕燈飾．．．都係因想影相而影咋！
反而海旁既吊燈幾靚！
我地係海旁來回行左兩次，當做運動，懶惰既我好怕行路做運動，但同好友們一路傾計一路行，一ｄ都唔辛苦，時間仲好快過呢！
之後去左食甜品：
唔知係咪行完消耗左好多體力，人開心又心情靚呢，想叫好多野食呀！
另外，尋日講到我同Tracy一走埋一齊就會發癲，仲有個朵叫 "精靈二人組"既，趁今日仲有少少篇幅剩，等我講少少以前ｄ攪笑野比大家知啦！其實唔洗多謝，睇下面ｄ相都估到啦．．．
係咪笑爆肚呢？睇返先知原來呢ｄ相係三年半前架啦，記得個次一如平時Tracy返香港咁，難得返黎玩，個晚我地玩通宵，之後去左Jacky屋企繼續玩，跟住佢兩個頂唔住訓左，我兩個仲鬼咁精神，於是就周圍摷，將楂到上手既野靜靜地＋輕輕地咁放上佢地個身上面，最後就變成相咁啦，估唔到可以放到咁多野佢地都唔知架！
我好記得當時忍住堵氣，一閉氣就放一件，一閉氣就放一件，放完佢地又唔醒喎，又會咁勁既？跟住我會踎係度忍笑，幾辛苦呀！究竟係佢地爛訓？定係我地犀利呢？真係超攪野，等我得閒再搵多ｄ相同大家分享啦，因為後生係玩得仲癲過宜家架！
呢輯相留左一個好開心既回憶比大家，因為呢ｄ機會好難得會再有了，事緣今次Tracy返香港的主要目的．．．就係參加Jacky既結婚大日子，試問結左婚，又點可以同朋友玩到夜咁癲呢？我地四個既友誼好微妙，我會好好珍惜、維繫，希望我地友誼永固！
沒有留言:
張貼留言