2007-10-19 (Fri) 有意義 & very full 的一天

今日一早就計劃做ｄ好有意義既事，就係將之前太陽哥哥係屋企多餘的公仔，送去比路德姨姨間幼稚園！太陽哥哥屋企真係超多ｍ記公仔，一兩套我都覺得可以接受，但五套個ｄ就．．．真係誇左ｄ喎baby．．．嘻嘻~~

幾星期前大掃除，除了留了ｄ真係好鐘意個既公仔外，其餘都放棄了，原本諗住比晒太陽哥哥隔屋個婆婆，但咁新，我靈機一觸，就打比媽咪問下路德姨姨間幼稚園會唔會要，點知係無任歡迎，因為可以比小朋友做聖誕禮物！我覺得好有意義呀！最衰已經丟左一round，唔係就仲多！

幼稚園係長沙灣個頭，送完公仔後我地就去左譚仔記第一間的雲南米線食野！

食完係門口見到個奇景，似拍戲，又似岩岩發生劫案？因為有架幾型幾大架的白色電單車停正係馬路中心，但個司機又唔知去左邊喎，ｄ警察又行黎行去．．．大家認為呢？

之後返青衣城買新相機，睇左好耐了．．．去台灣前已睇，睇睇睇，睇到細妹都買左，借埋佢個部去台灣，最終．．．攪笑地，買埋細妹個部！好多人都話我地傻，一個屋企有兩部同model的相機，但實在太好用同影得真係幾靚，加上係太陽哥哥都會用麻！其實之前我想要sony t100的，但相質真係差ｄ，加上今次係太陽哥哥決定，況且我一向有選擇恐懼症，咁就交比佢啦！想知係咩樣，可睇我細妹的綱頁：http://hk.myblog.yahoo.com/maggie-kkc/article?mid=1674，為免撞機，我地個部的鏡頭外圈係全黑色，細妹就係銀色！Thanks太陽哥哥！

之後出旺角行街同等睇"兄弟"，華仔喎！行街時，終於試到elsa推介的happylemon的'"烤珍珠奶茶"，真係排晒長龍喎，但太陽哥哥梗係會幫我排啦，嘻嘻~~排隊時發覺有張"sunny everyday，lemon everyday"的poster，幾攪笑！我覺得ｄ珍珠有ｄｄ苦，都有陣茶味，我對茶味麻麻地，所以都係覺得一般咋！

夠鐘睇戲喇，但好唔開心趕唔切，miss左開段；跟住發覺華仔唔係會死咩？但冇死到喎．．．但太陽哥哥同細妹一口咬定之前預告片係死的，我就真係無咩印象，傾傾下，我就大叫，我諗係我地miss左個ending！因為上字幕時，個個起身走，我好sure當時自己都講左句：咁黑，睇唔到有冇漏低野呀！當時戲院係冇開燈的．．．！！唔係麻，上次"c+偵探"都受到教訓，點解今次冇人留意到架！激死呀！但上綱又冇人話字幕後仲有野睇喎，究竟係點架．．．開頭同ending都miss左，係咪應該睇多次呢？

之後去左茶餐廳食野~~

2007-10-18 (Thu) 雪櫃裡的小動物

打開雪櫃，見到咁！嘩！您話驚唔驚？都有ｄ嚇親架．．．係太陽媽媽買的"big gate crab"！我當然都有口福啦，但今晚太飽了，留返第二日先啦！

因為太陽哥哥剛同我食了宵夜，嫩雞煨麵&小籠包，好飽啦！早ｄ知道就唔食了．．．

2007-10-18 (Thu) 愛心驚喜

今日一返工，有位同事行埋黎同我講：Givens，合埋眼先！

一打開眼睛，呢個盒仔就出現左係我面前！就係我尋日先講完7-11好奸，趁halloween期間又再推出特別版；點知今日，就收到呢份愛心禮物！！稱為愛心禮物，係因為呢個版本要捐錢先買到返黎，唔係買廿蚊抽個隻，為左要我得到呢兩隻特別版，唔洗再花時間搜集，竟然買落黎，真係好型，好感動．．．攪到我真係好唔好意思！多謝您呀！

2007-10-17 (Wed) 開放日的慰勞宴自助晚餐

今日係公司開放日的慰勞宴自助晚餐，如咁多年一樣，老地點、老時間，但人物．．．唔同晒lu，去到諗到，都有ｄ傷感架！我諗起agnes、vivi、esther、bebe、elsa、yammy．．．

呢度係咪好靚呢？我地就去慣去熟，無咩感覺，但未見過的朋友仔，應該會覺得幾grand；見過的舊同事，可能會覺得：下，靚左咁多既？！唔洗ｘ意，因我都覺得影得好靚呀；全憑我精湛的攝影技巧吧！哈哈！

同事合照

沙律加甜品，最特別係今次有日式海帶同橙色八爪魚！

熱盤．．．好可惜我唔得影燒牛扒呀！

食到臨尾時，大家已經好飽，點知侍應哥哥捧住個又靚又長又大既朱古力甜品出黎，我大叫同學唔好拎住，等我影相先！影完張甜品相後，覺得：唔得，咁靚，我唔影會"side"左！於是就成個甜品拎起左，呢個舉動引到全埸同學大笑，佢地以為我只係諗住挨埋去影，我諗佢地估唔到我會成個拎起吧！好出奇咩？唔拎近個面度影，點影到咁長的效果呢？哈哈！

2007-10-16 (Tue) 朋友的handmade綱上小生意

身邊總共有三位朋友開始了自己的綱上小生意，所以飾物都係handmade架，真係好叻呀！將自己的興趣，做成自己喜愛的小玩意，與志同道合的朋友分享，抱住分享夢想而唔係要賺大錢的心，我好pround of佢地！有ｄ咁威水的朋友，我引以為榮！

係度同大家賣下廣告，大家不妨入去參觀下，睇下有冇ｄ岩自己既小飾物啦！如有興趣，可告訴我或直接電郵給我朋友的mailbox！謝謝！

http://hk.myblog.yahoo.com/music-note

http://hk.myblog.yahoo.com/twisty_wish

http://hk.myblog.yahoo.com/dingdingshop611

2007-10-15 (Mon) 震驚消息 之 7-11 叮噹印仔

全套 7-11 叮噹印仔終於儲齊晒啦！連埋六隻瑩光同閃粉版都齊晒，真係多得各界好友幫助！再次體會到"在家靠父母，出外靠朋友"呢句說話！

印仔就儲齊喇，但道具就未齊，其實可有可無，所以係度作出最後呼籲，我欠記憶麵包、縮小電筒、空氣砲，有既朋友就留比我啦！謝謝！

原本好地地，但今朝收到個震驚消息， 7-11 竟然又出奸招，出多兩隻特別版，聽聞係"asap" & "halloween"，有冇攪錯呀，好離譜呀！見到有人埋怨個叮噹印台已無位放，呢個投訴都幾攪笑！

仲有係如果好想得到，捐一百蚊就可得到，咁都得？真係唔掂呀！咁可想而知，7-11 職員咪會知道邊ｄ係特別版囉！咁有兩樣野帶出，一係好容易高價賣出市面，二係佢地實收埋晒ｄ特別版，咁廿蚊抽一隻的機會，根本等於零！厄人的，大家千祈唔好上當呀！哼，嬲死人！

不過．．．唔知．．．有冇人幫到我呢？嘻嘻~~

2007-10-14 (Sun) 太陽媽媽的撚手小菜

今日起身，見唔到太陽媽媽，打比佢，仲打緊牌！嘩，好勁，打左廿四小時．．．！佢返黎約埋我地食早餐，其實應該係下午茶，因為已經兩點啦！跟住佢就履行承諾，今晚煮飯比我地食；見佢咁眼訓，都同佢講攰就唔洗煮，但佢都堅持呀！

我地一齊去買餸，又見到ｃ蛤，仲有雞．．．正！

因為係屋企食飯，所以我地都冇出街，係屋企煲戲，睇左"每當變幻時"同"刺青"，前者可以啦，有ｄ啟發意義；後者真係不值一提，有ｄ期待同性戀場床上戲，點知．．．真令人失望，好彩當時冇花錢入戲院睇咋！

今餐就係太陽媽媽的撚手小菜啦，好有水準，好好味！之後佢仲包好埋我同太陽哥哥的愛心飯盒呢！仲係一對新的飯盒黎架，同色同款，一模一樣，特登買架喎，好感動．．．睇黎，太陽媽媽好鐘意我帶佢煮既飯呀，哈哈！

我覺得，好似媽咪幫小朋友預備飯盒咁，好sweet！咁我同太陽哥哥咪變左兄妹？．．．唔得唔得．．．嘻嘻！

2007-10-13 (Sat) 一如以往的星期六．．．等碌齡

一如以往，今日起身陪太陽媽媽食早餐，跟住買野！太陽媽媽今日打牌，煮唔到飯，佢就問定我星期一帶唔帶飯，係就聽日煮飯我地食，咁就可以帶埋飯；真係好細心同錫我地呀！其實佢打牌就打牌啦，唔洗怕，因為星期六我地通常都會出去行街睇戲食飯，跟住等碌齡既！所以真係．．．攪到我有ｄ唔好意思添，不過有多個媽咪錫自己，多好呢！

今日我地買日用品時，順便添置好多零食；揀左好多一對對既野，好開心，影返張靚相先！

之後出去行待，見到個好得意的迷您珍寶珠扭蛋機，仲係有支筆仔係入面架，太陽哥哥就扭左個送比我！好得意，我好鐘意，多謝！

等巴士時，為左試下支筆仔有冇墨，有個頑皮男生仲當街．．．塗鴉添．．．

去到齡場，我比大家睇，仲問下次碌齡比賽用呢個做禮物好無，點知比休踢爆我仲想要其他顏色又驚扭唔中，所以以呢樣做禮物，咁我就可以達到目的！咁都知，果然了解我，醒目！哈哈！不過，都係一個笑話je，唔係點氹得大家笑！

今日見到一張超聲波紙，好細粒的．．．係個baby？！真係好奇妙！真係唔識睇，不過，以我呢個出名既神算子，我批呢個Ｂ係有啫啫既！大家拭目以待啦，哈哈！我好鐘意呀，因為我鐘意仔呀（呢期．．．唔知幾時又轉架）！哈哈！

2007-10-12 (Fri) 太陽媽媽的生日 & chip n dale 大枕頭

今日係太陽媽媽的生日，咁重要的日子，我地點會唔理佢，佢連牌都唔打，都係想我地同佢慶祝je，所以我地都好識做，同佢食晚飯慶祝！佢就揀左去新強記食燒鵝！今日太陽哥哥的哥哥唔得閒，所以只得我地一家四口！

四個餸加個鮑魚雞粥~~

同太陽媽媽最夾就係大家都好鐘意食蠔，所以得女仕柯打左焗蠔咋，幾威水！焗蠔上面有層好好味既薯蓉，真係好正！

買咩禮物我都諗左好耐，舊年就送左個燕窩，得體就得體，但無咩用，同埋比太陽爸爸食晒，哈哈！今年，太陽哥哥話不如實際ｄ，佢會比錢媽咪，叫我都比一份啦；開頭都怕好似唔禮貌，但太陽哥哥信心保證話媽咪唔會，加上大家又唔係初次見面，咁熟絡，唔洗扮野，最緊要佢鐘意同實際！所以我最後都buy左太陽哥哥既意見，一齊封左封大利是比太陽媽媽！仲用左個好cute的麥嘜利是封，太陽媽媽真係好鐘意呀！我仲講笑同太陽媽媽講，我費事又買燕窩啦，比太陽爸爸食晒；佢就好開心話：叻女！醒目！枉我無信錯太陽哥哥！哈哈！之後佢仲回返利是比我地添，真係皆大歡喜！多謝太陽媽媽！

回家後，太陽哥哥又比左個驚喜我！佢偷偷買左個chip n dale大枕頭，用被冚住，我一拉開張被時就發現左，當然好驚喜同開心啦！

話說之前的普通枕頭加cushion，訓到我個頭成日跌左落個坑度，宜家有個長枕頭，邊個都唔會跌落坑度，就會訓得舒服晒啦！仲要係我至愛的chip n dale，訓得仲會甜ｄ啦！

佢同我講，我地之前係trendyland見到，但咁岩冇晒貨，佢行左成個潮樓特區，仲有家樂附近的精品店，仲有女人街，花園街．．．搵左好耐先買到架！但最終又唔肯同我講邊度搵到，激死！不過，真係太傻瓜了，佢好想我今日見到，所以尋晚誓要買到．．．嗯，知啦，明啦．．．總之，多謝您呀！