今日有重要事情要辦，所以請假一天，仲出動全家總動員呢！我地要去房屋署攪ｄ野，去得房屋署，梗係同未來住屋有關，所以咪叫重要事情囉！因為都算做正經野，冇時間影相呀，只係係等候琪琪同威哥期間，同媽咪去左M記食早餐咋！
放得一整日假，梗係要抽時間見諾諾啦，我地over左一個星期冇見呀，再唔見佢，我驚佢見到我唔識叫恩恩呀！攪掂完房屋署ｄ野後，即刻call表姐，約好係沙田美心等；今日琪琪都黎埋，威哥就自己返屋企先！
黎到先食飯，諾諾繼續學緊自己"不"野食：
諾諾成檯面既"玩具"，都係我同琪琪供應架，哈哈～～
扭計時的陰功樣，仲有一大點眼淚呢．．．
今日有新野喎，就係玩畫畫～～
畫完仲話比我知，呢個樣好得意呀！
諗走時放諾諾落地，佢拎住抹住手仔既濕紙巾繼續周圍抹，好攪笑呀！
跟住我地去citysuper買餸，途中諾諾比我抱佢呀，唔係人人比抱架！
媽咪仲同佢係度玩添，睇諾諾笑到幾開心！請留意，諾諾仲楂住緊頭先周圍抹野既濕紙巾呀，哈哈～～
買餸啦，想食咩呀？牛扒？嘩，真係識貨喎！嘻嘻～～
跟住睇蟹蟹，開頭有ｄ驚咁，但好快又笑又想掂啦！
為左比小王爺有足夠既視野空間，我呢位隨從係調轉方向咁推車架！跟住諾諾又好攪笑咁扶實，咁扶住我都係第一次見！
諾諾對我手車一ｄ都唔驚喎！勁！下次再推快ｄ先～～
係停車場時，勉強被琪琪抱左陣啦～～諾諾您唔好咁啦，您著住對baby nike係琪琪買比您架，琪琪都好錫您架！
舅婆抱當然無問題，仲smile添～～
拎泊車咭：
返到屋企，諾諾識自己除襪架，除完仲識拎去廁所添，好叻仔呀！
諾諾介紹佢張新床比我地睇呀，嘩．．．好靚呀！
要換衫訓晏覺啦，件底衫好baby呀！
我問諾諾點訓覺，佢就示範比我睇，又挨底又起身，仲攬住bear bear呢，好攪笑！
我仲發現個攬攬有綿羊仔圖案呀！
好男仔既窗簾呀～～
真係訓左啦，訓得好"林"添呢～～
諾諾訓覺後就係我地既放飯時間，要食野補充體力一陣再戰，呀butt又整雞翼我食啦！
保持水準，好味道！
表姐話諾諾訓醒只會係床度發出聲音求救，唔會自己落地架，表姐屋企有類似rocky talky既機，我地聽到諾諾既聲，就慢慢推開度門，佢真係醒左自己係度玩緊呀！
我地仲偷拍，不過被諾諾發現左，哈哈～～
跟住Play Time，我地玩爬爬： 又玩一齊唱歌歌：
學 one two three：
要幫手諾諾識叫恩恩啦，仲叫得好大聲呢！表姐話恩恩呢個排名好前呢，係繼媽媽爸爸婆婆之後架啦，嘩．．．真係排得好前呢！
我地宜家咁friend，叫諾諾kiss我梗無問題啦！yeah~~
夜晚又被姑媽姑丈拉左去食飯，太陽哥哥都黎埋一份！呢餐好豐富呀，條魚幾大條！但我冇胃口，食左好少好少．．．
姑丈醒左魚頭比琪琪食，睇下隻眼，跌左粒眼球出黎架，好核突呀．．．！
今晚太陽哥哥同諾諾坐，仲教諾諾畫畫，不過太陽哥哥有時畫得太靚，諾諾反而唔知咩黎架，好似左邊架車，係立體畫法，問諾諾係咩，佢冇反應；反而右邊平面畫法個架，諾諾一望就話 car，您話攪唔攪笑丫，真係笑爆咀呀！
沒有留言:
張貼留言