.gif)
等埋太陽哥哥黎到，我地就入珀麗灣啦，大家呢幾日都好期待睇相呢，連Elsa唔係主角都同我地一樣咁緊張，佢之前仲話怕到時張張都好靚，唔記得佢黎既真正目的係要控制住我地呢，真係攪笑喇！
黎到先係貴妃椅度等．．．
揀相全個過程剛剛用左三個鐘，成個過程我地三個都冇咩好大既意見不合，尤其是我同太陽哥哥，簡直夾到啤，鐘意個ｄ都近乎一樣；二百三十張相入面，我地未去前計好budget大概加五千蚊買相啦，咁一共會有七八十張，最後final揀左七十四，within budget入面，非常順利！
不過覺得自己最幸運係有個肯笑肯癲既男朋友，當然雙方都要配合到啦，因為呢，全輯相七十幾張入面，我既獨照只佔兩張，太陽哥哥既只佔一張，亦即係話，其餘全是滿意合照，勁開心！因為揀合照係麻煩的一環，有ｄ可能係您靚我唔靚，有ｄ可能係我靚您唔靚，好難得咁多張我同太陽哥哥雙方都係滿意既！
聽過有ｄcase係個女仔狂揀自己獨照，係咁張張都話好靚好靚，唔理個男仔，而好慶幸自己唔係咁，其實有ｄ獨照太陽哥哥話影得我靚叫我揀架，但我都堅持唔要，因為覺得結婚相喎，梗係兩個人一齊架麻，加上我地好多合照都好夾麻！仲有ｄcase係男仔木木獨獨，笑唔出冇表情，攪到ｄ合照揀又唔係，唔揀又唔係；又好慶幸，呢方面我一早知太陽哥哥實會勝任，唔係影相個日就唔會攝影師同錄影師都一致話我地好影啦，仲話太陽哥哥係演技派添，表情呢方面，反而我冇太陽哥哥咁有天份呢！
講返揀相，最鐘意係馬灣公園同沙灘個ｄ，張張都想要咁滯，因為全是我地想要既開心sweet style，但一共有二百三十張相，冇可能要晒，唯有作出捨棄，近似的甫士，或者同一個場景，亦要作出選擇！
去個日係假期第一日，唔知係咪因為咁，去到都見到幾多人，出面既位置已被坐滿，我地就被安排去一間房度，由於sales姐姐們全係出面serve緊其他客，佢地唯有叫我地自己睇住先，嘩，對我地黎講簡直正爆啦！冇人睇住就會放肆，係第一round睇相時，我每張都偷影，仲係全部影晒，哈哈！雖然係影電腦mon，但都好過冇啦，留返個紀念或者record囉，因為唔揀個ｄ相，永遠都唔會睇得返架麻；雖然唔可能再做 further production，偷影到已經好好了！
為保留新鮮感，揀左既相等兩個月後我拎左先比大家睇啦，係度不如比大家睇下foul左個ｄ啦，不過由於係電腦偷影，唔係咁清，請見諒~~
先係迪欣湖：
馬灣公園：
馬灣沙灘：
係咪覺得foul左個ｄ都好靚，做咩foul左去呢(哈哈!!)？其實馬灣公園同沙灘真係八成都唔錯，但要忍手，唯有狠心放棄，加上．．．揀左個ｄ係仲靚過呢ｄ架呢！哈哈~~ 仲有好攪笑係，太陽哥哥話影波鞋個兩張影到對鞋好靚好有藝術感，要揀喎．．．但點會百幾蚊一張相揀張冇人架，玩野咩，哈哈~~
室內景：
夜景：
以上呢ｄ相唔會再出現架啦，其實係二百三十張入面foul三分二，有ｄ都幾難做架，好在我地三個都有共識，獨照又一於好少理，先咁順利完成揀相呢個浩大工程！係度要多謝Elsa係成個過程做左我地既budget controller，仲要攪到佢帶黎個堂弟係梳化訓左兩個鐘！哈哈～～
攪掂後都成九點啦，即刻衝去惠比壽食野，呢間惠比壽係駿景園都有架，以前Elsa仲好鐘意去個度既 lunch鐵板燒，我知珀麗灣有分店，即刻同Elsa講揀完相去個度食，原先我地book左八點半，點知都係遲左半個鐘！
太陽哥哥的軟殼蟹炒飯：
Elsa堂弟又係叫軟殼蟹炒飯，借埋佢個碟黎影先！
我的辛辣牛肉手打窩烏冬：
Elsa堂弟唔肯上鏡呀～～
Elsa的九州燒肉手打窩烏冬：
另外叫了四款小食，三文魚壽司：
鹽燒牛舌(勁正!!)：
鹽燒雞翼(正!!)：
燒雞軟骨(正!!)：
呢度ｄ燒物真係唔錯，款款都好好味！為左多謝Elsa，呢餐梗係我地請客啦！食完返出葵芳已經成十一點啦，攪到佢地咁夜，真係唔好意思呢，好在聽日仲係假期咋，不過今日真係好開心呀！
沒有留言:
張貼留言