今日放假一天，呢日假兩個星期前已計劃架啦，本應想同諾諾去迪欣湖玩，兼坐係草地度picnic享受一下人生，聽到都覺得好正啦，所以本身勁期待，仲好似要影婚紗相咁，一星期前己開始每日去七天天氣預告度click 一click，哈哈！點知．．．上星期已見到今日會有雷暴同落雨呀，尋晚仲真係落左成晚雨，我訓覺都聽到落雨聲．．．好在尋日已同表姐商量定落雨措施，就係去西寶城同赤柱，雖然今朝放晴，我同表姐都心郁郁想去迪欣湖架，但兩位媽媽(我媽咪同姑媽)都覺得雖然有太陽，但尋晚落左成晚雨，ｄ草地實濕晒，建議唔好去．．．去唔到迪欣湖都失望架，好在諾諾今日都氹到我好開心，補返數啦！
表姐約在我地係香港站等，我地落緊電梯佢已經同我地揮手啦，成個大細路咁，睇黎佢都好興奮呢！
姑媽帶左我地去西環出名既德記潮菜館食lunch，一入到去仲見到個攪笑菜牌：肚餓咩！打電話比德記啦！哈哈～～
姑媽推介既咸檸七，我試左少少都ｏｋ既，但本身我唔好酸野，冇計啦！
我地叫左個兩款午市套餐，另加蠔仔粥＆蠔餅！
胡椒豬肚湯：
卥水鵝片：
蠔仔粥：
蠔餅：
沙爹牛肉芥蘭：
檸檬蒸烏頭：
諾諾又自己係度玩啦：
繼沖涼後，再次見識到ARMS UP指令好有用啦！！
食完野就去西寶城，就係德記對面咋，今日黎既主要目的係呢度有個大型室內兒童遊樂場，咁落雨都唔怕啦！
點知．．．睇到呆左，見到勁多人，表姐話上次黎好靜架，後尾大家先醒起可能仲未放完復活節假！我地最終都係入黎參觀下，睇下呢度既環境，今日實在唔適合諾諾係度玩呀，大家都見成地玩具，仲要勁多小朋友，仲要八成係鬼妹鬼仔，佢地玩既方式一向都好癲，我見佢地係咁狂跑喪追，又跳又叫，好恐怖呀！如果諾諾係度玩，實比佢地撞到飛落地！
大支黃色個ｄ係氣槍黎架，會噴ｄ波波出黎，兩面都有，互射一樣，好多人玩，玩到好癲呢！
飛天鞦韆：
呢度ｄ滑梯都好高好滑架，下面個個仲多過45度，我地就目睹一個鬼仔玩完紅色個個即嘔，成地都係，好肉酸呀！最勁係其他鬼仔見到地下有嘔吐物都繼續玩，真係呆左．．．
仲有一型彈床同藍球場：
入面成個瘋人院咁，我地都係同諾諾係出面玩車車算啦，仲三架任揀唔洗爭添！
呢個旋轉木馬，三隻都坐晒，慢慢影～～
RELAXED～～
媽咪坐係度等～～
之後我地見天色好好，就出發去赤柱啦！
等lift＋ing：
兩個諾諾係度玩緊，哈哈～～
係車度有咩好做，當然係訓覺啦，要養足精神一陣繼續玩麻！第一次同諾諾一齊覺覺豬，還被表姐偷偷影低呢，OH NO！
我地去到先行街SHOPPING，一路慢慢行去海旁，期間仲同諾諾玩"GO & STOP"，勁攪笑，玩玩下諾諾會自己叫STOP，講得唔太準，好爆笑！
今次最尾仲識講GO呢，好好笑呀！
我地就係咁，望住海邊，又食下木瓜絲沙律，又織下冷衫，都好浪漫啫！
諾諾都有banana食～～
仲好乖咁請媽媽同舅婆食，good boy～～
(續)
沒有留言:
張貼留言