2009-04-06 (Mon) 第32個月紀念日

今日係同太陽哥哥的第32個月紀念日，不過我病倒了．．．

其實係前兩天假日都唔太舒服，由星期六晚訓覺時開始發冷，跟住日頭又無胃口兼成個人同成個身都好攰，媽咪話我實係影婚紗相個晚起季候風，夜晚九點幾仲落沙灘影相攝親啦，我諗都係呀，因為個晚最後個半個鐘真係凍到我抽筋呢！

今朝我仍照常返工，點知越來越唔妥，最後一點幾都係頂唔住要告病假；好在有太陽哥哥屋企鎖匙，返佢屋企只係半個鐘，我今朝只係食左個叉燒包，lunch咩都食唔落，一返去就"達"上床訓了．．．

中間醒下訓下，亦聽見太陽爸爸返過黎又出過去，到大約七點鐘，佢已經煲好粥比我食啦，仲驚我口淡，整埋菜甫蛋我食．．．嘩，一出黎見到，雖然仲"溫溫鄧鄧"，但都覺得好sweet！因為太陽哥哥當時仲未放工，佢放工返到黎已九點鐘，而佢冇食粥架，太陽爸爸另外煮野佢食，所以白粥係太陽爸爸陪我一齊食架，好感動啊！

中間係尋晚係潮樓碟菜，原本係今日我既 lunch，但最後無胃口冇食到，拎埋出黎唔好晒左去啦，嘻嘻~~

本來今日諗住出街食飯慶祝，因為去唔到，我買了兩個cake慶祝；太陽哥哥一聽見我拎相機影相，叫我等等，做咩呀？原來佢去．．．照鏡！佢整"衡"返個頭先出黎．．．oh no！照貪靚～～

我的病樣，好樣衰呀．．．我凍到要著件抓毛厚外套呢！

合照：