今日要去大嶼山拜山，我地成三點先出發，因為威哥有事在身，都好，等我訓晏ｄ，因為尋晚開始唔係咁舒服，仲係咁發冷，要媽咪比多張被我冚！今朝一碗淨水餃都食唔到，食得四粒仲要媽咪幫手，真係無胃口！
大嶼山開左新路兩個月，joe哥講我先知；因為我唔舒服坐車頭，個位大得黎又可恰下，佢地後面就迫ｄ啦，哈哈！
新路彎位照樣都係咁多，但單線變了雙線，視野闊好多！
去觀音廟既路要坐足半個鐘的士先到，過好多彎，亦要經過好多樹林！
呢位咪joe哥囉，我地每次黎大嶼山call的士都要搵佢，尋晚已book定佢啦，因為佢咭片寫joe wong，我咪叫佢做joe哥囉！佢好好人架，係大澳住，所以一身黑皮膚，仲識講流利英語，今日先聽完佢講電話，勁！一程半個鐘跟錶要$14X，佢收齊頭$140咋；雖然平左幾蚊，但來回都要$280，其實都幾金！
經過石壁監獄：
去到啦．．．
整理鮮花．．．
拜見完先人後，就出去行陣同影下相，joe哥會等我地三十分鐘！
呢度好高，每次黎到都好似去左少林寺一樣，哈哈！細妹今日條花裙好搶眼又誇張，影左以下攪笑相片：
今日先知有兩座廟分別叫鐘樓同鼓樓：
鼓樓前面有個欄杆，細妹見到就諗起ｄ跳起相．．．於是我地叫威哥跳，諗過好多idea，甚至扮spiderman爬牆咁爬上去，但好難扮得似．．．最後就咁扮就算啦，都好攪笑！
跟住呢張捕捉得咁好既跳相，當然係我楂機啦，型！似spiderman係上面飛落黎嗎？
過程就由細妹相機拍低，有兩部相機就有呢個好處，一部影相一部movie，勁！
媽咪去完廁所出黎，見我地拍完威哥跳，佢話佢又要跳喎，不過佢跳得．．．好驚咁喎，好高咩？又唔係丫．．．
過程一樣有movie：
跟住細妹見我同太陽哥哥平時跳得多，試下同威哥二人組，下面係我地商量緊擺咩甫士好．．．好似冇擔心過跳唔到，實掂硬咁喎，哈哈！
可能高度同體重都太大分別，影出黎一高一低，同埋按快門應該遲左少少，所以唔係好perfect！都係同太陽哥哥夾ｄ，哈哈！但由於我唔太舒服，都冇再玩啦，跳一下就算了！
過程又係有movie，好爆笑！
拜完山joe哥車返我地到東涌已五點啦，行左陣outlet，好多人唔多想行，跟住就返青衣食晚飯啦！前幾天跟太陽哥哥去了稻香試一蚊雞覺得唔錯，今日同屋企人就試潮樓一蚊雞啦！
今餐順道慶祝埋威哥同琪琪既四月生日，我地叫左個四人餐，另外加左隻一蚊砵頭梅子雞同潮州糖醋煎麵！
我唔舒服根本冇胃口，今朝食左四隻水餃後都未肚餓過，已經叫佢地唔好叫咁多野，點知．．．都係成檯都係！我食得最多係碗翅，成碗食晒！跟住食左一舊蝦球、兩條豆、魯水蛋兩片、鵝片兩塊，成碟雞菜魚麵掂都冇掂過．．．好攰好眼訓，只想快ｄ訓去訓覺．．．
沒有留言:
張貼留言