今日輪到琪琪接受威哥的三福邀請，琪琪仲接受左呢份禮物，亦即等於決了志．．．雖然我對佢呢個決定都好質疑，不過每個人有唔同既選擇同諗法，我自己未接受到，唔等於人地都唔可以接受既，我只希望決定得既，就做到一個好既榜樣，唔好比人覺得失見證～～
之後媽咪話出葵芳食tea慶祝，又去左馬泰呀！
我地叫左兩客海南雞飯，一客拼盤，同埋一客豬頸肉＋木瓜絲沙律：
今日發生左件自己都控制唔到既事，街上仲好多人見到添，真係醜怪！其實我都唔知點解，只係覺得個刻好辛苦，好大壓力，係咪呢世都要係咁呢？情緒上受到好大衝擊，所以爆發了．．．媽咪可能都有嚇親，一路以黎，三姊弟入面，相信佢最放心同最唔洗擔心個個係我，點知我都有失控既一刻，我唔知再係咁落去，會唔會崩潰，希望上天會有好既安排給我吧．．．
沒有留言:
張貼留言