尋日表姐帶諾諾去完迪欣湖偷拍我同太陽哥哥影婚紗相後，佢就愛上左迪欣湖，因為佢第一次去咋，覺得個度好大好靚好舒服喎，仲有大草地，最重要係冇咩人，仲有個遊樂場可同諾諾玩；表姐話雖然過青馬大橋要比三十蚊，但都抵過帶諾諾落屋企樓下個迷您遊樂場呢！
表姐知我今日會繼續放假休息，所以尋晚八點幾，係我仲未影完婚紗相時，佢已經好心急打比我，約定我今日想再帶諾諾去多次迪欣湖呀！雖然當時我未知今日會唔會好攰，但聽到佢把聲咁興奮，我都好想去呢，哈哈！
青衣城聯邦皇宮已經成為我地每次見面的既皇宮地方，而檯中間的寶座，次次都係留比我地既小皇爺諾諾架！
每次小皇爺都會有 solo 時間，呢個係smile：
呢個係真係做錯事時的sorry，每次都有，因為每次見佢都總有做錯事既時候，哈哈！
諾諾每次都好鐘意玩我部電話，仲玩得好投入，我一開細妹張BB相佢就會笑架，仲會講baby，勁叻～～
仲咩伸隻手指入口呀？因為我開左ｄ手機鈴聲出黎，其中一個係剃鬚聲，點知諾諾一聽到就伸手指入口，原來係佢支牙刷係咁既聲呀，平時刷牙就係咁，哈哈哈哈～～～～
一個小朋友點可坐係度一兩個鐘呢？比隻banana諾諾就可頂到十分鐘，哈哈！自己食banana，好叻叻～～
跟住我比新野諾諾玩，就係係手袋搵到既潤唇膏同鏡仔，唔洗點教，諾諾已經識搽，亦識照鏡，超爆笑！
諾諾似乎好鐘意我把鏡仔呢，照到要錫把鏡呢！
唇膏就．．．喂喂，做咩伸條脷出黎架，您好肚餓咩？
做咩表情咁鬼馬．．．
有古惑喎．．．
原來諾諾將支唇膏放入衫入面呀．．．哈哈～～
呢塊係女仔尿片喎．．．哈哈！表姐話係ｄ試用裝，得一塊，帶出街方便，岩岩可以用左去！
飲完茶我地就出發去迪欣湖，見到出面架藍色車車，同諾諾玩陣先！
青衣城有easter裝飾啦，仲係諾諾都識既smile，好多好多哈哈笑；諾諾好興奮咁係度跑黎跑去，攪到我都好難影到相呢！
青馬大橋呀．．．令我不自覺地想起尋日影婚紗相呢！
先去草地玩下先，呢張係我自己好滿意既作品，其實諾諾當時指緊天上面既飛機架！
諾諾好攪笑，佢竟然怕ｄ草，一放隻手上去想起身就縮手，仲向媽媽求救要起身，因為佢覺得ｄ草拮拮佢隻手手呀，哈哈～～
呢度真係好多草地，好岩小朋友係度跑跑跳跳！今日天氣亦唔錯，不過都有少少陰，間唔中都幾大風；諗返尋日咁天朗氣清，再次發覺自己真係好好彩！
諾諾 run run run～～～
同媽媽一齊又 run run run～～～呢度真係超舒服，好有外國feel，表姐話好似去左另一個世界咁，呢個比喻真係幾攪笑！我建議不如下次黎野餐啦，咁咪唔洗晒左ｄ時間去飲茶囉，仲可能訓係草地上面享受下人生！嘩，呢個提議真係good，等我快ｄ安排下先！
諾諾識得聽指令：行過去個度丫、stop、拎過黎、smile，跟住定係度比我地影相，但唯一咁聽話既交換條件係．．．影完要比佢睇！
仲咩叫自己做鑊鑊呀？哈哈哈哈～～
終於適應左ｄ草草，唔怕係上面爬啦，不過都係行好過爬，好拮手呢！
見到單車好新奇．．．
藍色呢ｄ咩黎架？
行坑渠有聲，又係好新奇．．．
看海．．．好舒服～～
有車車喎，好nice既救生員哥哥仲比我地坐上去影相呢！
諾諾係咁望住救生員哥哥，救生員哥哥都OK靚仔架，仲幫我地三個影相添！
唔知救生員哥哥叫咩名呢，我都好想識佢呀．．．睇片啦，諾諾會介紹架啦(必看之選，諾諾實在太叻囝喇!!)：
跟住我地就去左遊樂場玩啦！
呢度有個小型噴水池，諾諾一直都唔會行埋去架；後尾我帶佢埋去，佢開頭都縮縮地架，但當我示範放隻手係ｄ水度，仲拎住佢隻手仔一齊放落去玩，佢就唔驚啦，仲玩得好開心添，玩完一條水柱又過去玩另一條，玩緊呢條已望定另一條啦！不過佢對高個ｄ水柱都係驚驚地，唔會掂呢！
玩到褲同鞋都濕晒，當然有衫換啦，唔係表姐點會由得諾諾攪成咁？哈哈！我仲特登叫表姐唔好幫諾諾抹面住，因為我想影低諾諾呢個爆笑樣！
變態既我同表姐仲叫諾諾擺甫士比我地影，諗落都衰衰地呀！
沒有留言:
張貼留言