今日係威哥牛一，係度祝佢快ｄ生性、快ｄ長大、最好快ｄ出身幫手養家，唔好再追尋自己既理想啦，哈哈！年青人一族，生日已約好朋友出去玩啦，因為媽咪約好左聽日拜完山先一齊食飯慶祝；我就早前送了他半張海洋公園全年入場證，佢自己開到口話半張就夠，咁就半張算架啦，哈哈！太陽哥哥就送了他頭泥，係我揀既，見佢平時冇錢買大盒咁，成日買ｄ旅行裝size好慘咁！經濟衰退，物輕情意重，希望威哥唔好介意啦！
今日有個家居免費吸塵示範，係早前休介紹既，講到明間公司打到黎我可接受同拒絕都冇問題，我見係屋企都係無野做架啦，咪比佢地上黎，當係幫我吸下塵都好丫，哈哈！
呢個吸塵機要入水既，先注入清水，好清架，清到望到地板：
先買我清潔下枕頭：
黑布係做正常清潔時係唔會放既，因為做示範，所以會加係中間比我地睇到有幾多污糟野，個枕頭吸左幾下已變成咁．．．呢ｄ唔一定係塵，聽位哥哥講係人既死皮同汗，仲有蟎蟲喎．．．．聽到個蟲字好驚呀！睇完會唔用黑布繼續吸，唔係黑布會阻擋住減低清潔效力，所以睇唔到吸晒係變成點。
跟住放兩層黑布吸地下：
只係吸左廳哥哥踎係度的四周位置一個圈，第一層布：
第二層布：
冷氣機佈置塵的隔塵網：
嘩，成吋厚！
冷氣機同隔塵網千祈唔可以用水洗喎，因為塵一遇到水就會黐住，越積越難清潔！
威哥的keyboard，嘩．．．呢舊野多到有厚度添，當中肯定有食物，好恐怖！
到我張床啦，可去片：
大家都見，我張床其實用左兩年度，都算新，但吸左好少範圍，只係兩下下，已經咁多野吸左出黎，當中仲有咩蟎蟲屍體，好恐怖呀！
將第一層捽下會變成咁：
第二層：
未吸床時，清水己變到咁，望唔到地板了：
吸完床時，己變到有一舊舊野浮起面，好似打邊爐最後時煲湯．．．
今次的家居免費吸塵示範，主要係比大家知道屋企既塵係幾咁多同難以想像，同埋平時清潔的方法好多時都好有問題，比如用普遍吸塵機吸塵，其實係冇咩作用；又或者用水抹野啦，同埋同拍打方式清塵，其實ｄ塵都係繼續留係個個空間，亦即係屋企入面冇走過！
我知呢部水式吸塵機要五位數字，我就應該冇能力買啦，加上都幾大部，要放置佢都係一個問題；不過最令我舒服係，個哥哥由頭到尾都冇提過叫我買機同講價錢，所以我自己只當係一個免費清潔，同埋學下一ｄ清潔常識啫；而哥哥點維生就係靠referral，去完一度有多ｄreferral就得，所以我都寫左二十個朋友個名比佢呀，哈哈！
各位朋友，如果收到佢地公司call您，希望您地唔好介意先，同埋諗下想唔想試啦，唔試都冇問題既，謝謝！
沒有留言:
張貼留言