2011-12-24 (Sat) 平安夜晚間 - Dinner@好時沙嗲 with 玲玲．行海旁睇燈飾．Toysrus 揀聖誕禮物

平安夜的夜晚約左玲玲食飯, 成四個月無見佢, 佢大個左好多, 已經係一個小肥妹喇! 我地去左尖東食『好時沙爹』，原來玲媽識個度既老闆娘！

見面即刻攬一攬先, 再送係澳洲買的小禮物!

後面有塊鏡, 玲玲係度照個口, 好好笑!



玲玲帶左隻bear bear送比我地喎!

仲有呢個鹿角, 但又唔捨得, 最後自己要返, 哈哈!

飯後我地就行海旁睇燈飾, 唔講都冇為意, 其實同太陽哥哥一齊咁多年, 都冇試過聖誕行海旁睇燈飾; 唔係跟玲玲一家黎, 我地肯定唔會有呢個節目! 哈哈!
玲玲見親太陽哥哥都會叫佢玩"飛", 全程海旁路由尖東行到去文化中心, 每隔一陣玲玲就會搵太陽哥哥再黎過, 好好笑! 而太陽哥哥真係拋到玲玲好高, 我都冇眼睇呀! 玲玲真係超大膽, 咁高都唔驚, 仲係咁要玩!

玩到出馬路, 仲比警察叔叔話添....=_="

太陽哥哥抱左玲玲入去草叢, 佢出唔返黎, 好爆笑呀!

今晚先知星光大道原來有隻咁大既麥嘜!

第一次睇晒全程激光匯演!

跟住去海港城反斗城玩+揀聖誕禮物!

得到玲爸媽的同意, 先夠膽買呢個咁阻定既帳幕比玲玲做聖誕禮物!

兩個男人:

超冧的goodbye kiss!!


玲媽一返到屋企就send 左呢兩張相比我, 玲玲返到屋企, 一沖完涼就要玩啦!