太陽哥哥今晚同舊同事BBQ，聽朝清晨佢又要係沙田攞車，即今晚我地要係太陽家過夜，就因為咁，今晚我第一次係冇太陽哥哥陪同下，同太陽爸媽一齊食晚飯同行左陣街，再返屋企等太陽哥哥！
原本諗住帶兩位爸媽食好ｄ，去泉章居食中菜，但佢地麻麻地，反而太陽爸爸話想食街邊煲仔飯！
行左陣街我地就返屋企啦，因為我下午同太陽媽媽講，想睇佢點煮腐竹白果薏米糖水，太陽哥哥最鍾意太陽媽媽整架！腐竹糖水其實好多地方都有，但我都好老實，太陽媽媽整個陣味真係唔同ｄ，係我咁大個人食過最好味既，真架！
太陽媽媽當然好樂意教我啦，下午就已經去買晒材料，我地返到屋企就即刻學整啦！
太陽哥哥原本同舊同事BBQ，點知因為公司忙到走唔開，最後都去唔到，仲要成十二點先返到呀！轉左新公司就即刻peak season，太陽哥哥幾乎晚晚都做到十一點先走得．．．星期六日仲要開工楂車，我有點擔心佢唔夠精神呀！不過，有個咁勤力的老公，係要值得為佢打氣既！
沒有留言:
張貼留言