2011年3月23日 星期三

2011-03-23 (Wed) 屋企廚房小型裝修 (上)

屋企廚房要小型裝修,包括整雙sink盆+拆抽油煙機+裝微波爐架,所以今日我請左假。


先影張變身前先~~



以為小工程,點知...唉!真係可以用『惡劣』黎形容!先係鋸雲石,成間屋都沙塵滾滾,尋晚清晒灶底d野搬晒去騎樓,點知要搬過晒入返屋,唔係實鋪晒塵有排抹!



拆晒d野後d水又黑又灰,好似坑渠水一樣架!



灶底...好似爆坑渠一樣架!嘔心~~



我一直迴避灶底,只係攪左上面先;因為師傅要聽日黎先駁水喉,跟本唔可以直接係雙sink盆攞水,要係咁來回廁所咁攞水...抹左十盆呢d水都有!



最後都要面對灶底...先用垃圾剷剷走d污糟野,再用媽咪貢獻的唔要地拖抹左一層,跟住...威哥見我咁可憐,竟然出手相助,成個人捐入去咁幫我抹,我真係好感動呀!



抹完後即係唔同晒,成個廚房都靚仔返晒!仲有一半工程,包括裝水喉+拆抽油煙機,要留待明天媽咪幫手睇住師傅整啦!



灶底前後相比,真係差好遠!



沒有留言:

張貼留言