2010-02-28 (Sun) 太陽媽短聚．湘川滬．寡佬飛行日記

平時假日放工，通常只係同太陽哥哥睇戲食飯；今日就有ｄ唔同，因為我搵埋細妹同佢個朋友Monica一齊睇戲食飯！

因為太陽媽媽有野急住比太陽哥哥，我地先同太陽媽媽係大家樂食個tea先！

跟住等埋Monica，我地就去左佢推介既『湘川滬』食晚飯！

太陽哥哥好攰呀，叫我地發板叫野食，佢就即刻小休．．．梗係啦，一星期開足七日工，真係戥佢辛苦！攰在佢身，痛在我心～～

我地叫左好多野食，最終仲食唔晒．．．

成檯食物＋剛睡醒的太陽哥哥：

飯後我地一齊去左睇『寡佬飛行日記』：

其實我地係係『寡佬飛行日記』同『狼人』作出選擇，最後果然冇揀錯，呢套戲好好睇呀，佐治好charm，成日係認真look中帶出好多攪笑幽默位，觀眾都笑得好開心！望位佢，我仲覺得佢有點似Jimmy-san添！呢套戲都好有意思呀，每個人一生中最重要或者最需要，其實係咩呢？

另外值得一提係，最誇張有個笑位係左邊聽到細妹大笑＋右邊聽到太陽哥哥狂笑，成個戲院最響係佢兩個把聲．．．囧!!