行完花市後又熱又攰，去左皇室堡hea，影左虎年decoration： 
仲去左 Pacific Coffee 飲野：
之後去左行街shopping同埋揀生日禮物，聖誕時送左件皮褸比太陽哥哥，我又想要返件，所以生日禮物我想要件皮褸呀！其實之前都睇過下，今日再睇多幾間鋪，不過都唔太岩，一係太成熟，一係太型；我諗要再睇下，唯有後補啦！
反而今日太陽哥哥有收獲呢！
晚餐地點係Stonegrill，係太陽哥哥特別做足research揀既！
原來呢度ｄ食物係由一塊熱石烘住咁上檯，客人就用塊熱石自己煮黎食，好得意呀！
黎到咁岩見到有citibank優惠，我就叫太陽哥哥食餐啦，抵好多喎，於是我地就食下面呢個餐啦；其實仲有個千幾蚊既餐架，但我覺得太貴了，一來加一實係用返原價，二來始終未試過好唔好味麻！
影返張合照先～～
麵包：
香檳：
頭盤：
湯：
主角黎啦～～一上檯侍應問我地食過未，我地話未，佢就動手幫我地攪，一邊教我地邊樣食物要煮幾耐，一邊幫我地將易熟既食物拿開放在一旁！
每人都有以下的一份食物：
好好玩～～
仲要著圍裙架！
第一次食咁得意既晚飯，好新鮮好特別，多謝太陽哥哥！食物方面我就覺得一般啦，海鮮咁樣煮略嫌乾身左少少；因為我唔食魚，成舊魚比左太陽哥哥；牛就勁好味，大塊ｄ就更加好啦！
以價錢衡量，我地覺得Towngas Avenue好味同抵食ｄ！
突然侍應哥哥捧上一個插住蠟燭既cheesecake，仲同我講左句：Happy Birthday！其實佢未埋到黎已經好覺眼啦，因為支蠟燭係霹靂啪啦咁聲架，好似小型煙花咁，間唔中會爆ｄ野出黎架！
爆啦～～
吹蠟燭：
餐飲：
戰利品：
後飯我地就去返旺角睇戲，新年有好多戲都想睇，之前太陽哥哥問過我想睇邊套，我話冇咩所謂，佢就同我講訂左錦衣衛；點知離開餐廳後，我受酒精影響，變得好醉好唔舒服，犬想嘔同勁恰眼訓，我諗由銅鑼灣到旺角呢幾個站，我打左三十個喊路都有，仲打到眼濕濕成個喊樣咁，有諗過返屋企放棄睇戲添呢！
去到旺角太陽哥哥即帶我去starbucks休息，我唔洗一分鐘就恰著左，仲訓到超熟睡，夠鐘太陽哥哥拍醒我先識醒！訓左40分鐘即刻爽晒，去到戲院地下攞飛，太陽哥哥攞完比我，我就楂住；懞醒醒既我，完全唔知發生咩事．．．
開場啦，以為先播片頭，見到上個月睇戲時套片頭，有大口姐姐個套既戲，我即講：上次我話想睇個套戲呀！當時（上個月）好似話情人節上，仲同身旁的太陽哥哥講話想睇呀！睇左十秒，怪怪地，問太陽哥哥：咦，上次個trailer好似唔係咁架！太陽哥哥話：可能拍左幾個版本！再睇多廿秒．．．太陽哥哥話：個trailer咁長既！我先醒．．．噢，今晚睇既唔係錦衣衛，係我想睇個套戲！
好開心呀～～其實我以為呢套戲下個星期先上，因為呢個星期只聽好多人講錦衣衛同蘇乞兒，其他好hit個ｄ好以華仔個套、大哥個套都未聽見，所以以為未上呢！同時亦覺得自己好懞囉，太陽哥哥攞住飛比我，明明飛係我手上，但我望都冇望，只係跟住佢行，去埋廁所喇、坐低喇，都係唔望張飛．．．證明我係一個好依賴佢既人啦！哈哈～～
呢套戲名我都未攪清楚，原來叫緣滿情人節！睇埋呢套戲，我個生日真係過得圓滿喇！我以為結左婚係唔會再有驚喜，點知原來太陽哥哥肯為我花心思，蛋糕同套戲真係意料之外，估唔到佢平時有聽我講咩架，我成日以為佢當我唱歌架咋！
仲有餐飯真係幾好玩幾得意，多謝您呀！
沒有留言:
張貼留言