年初三雖然係赤口，不過冇有怕，我同太陽哥哥屋企約左今日團拜，一齊食午飯；為方便大家，去左葵芳馬泰！
六個人食左六個餐＋六款小食：
午飯後太陽爸媽仲黎左我地屋企坐坐添！
今日亦係碌齡幫團拜＋太陽月亮賭坊開放日！嘻嘻～～大約三點，碌齡朋友陸續黎到，先係呀Ben；今日每位朋友黎到都要做兩件事，一係派利是，二係搵個位影即影即有！
呀Ben影相癮大發，仲幫我同太陽哥哥影返張添～～
跟住呀休＋CW黎到：
接住子元一家黎到：
陸氏伉儷都派利是：
契爺都派利是比子元：
子元勁鐘意飲大人飲品，不過咁細個真係不宜比咁多佢飲呀！
太陽月亮賭坊開市～～其實呢個名係CW早前改既，我覺得又幾得意喎，就繼續咁叫啦！
大家都輪住做莊：
子元也爭住落注：
貪心的Ben諗住做莊賺硬，大口氣地話兩樣都受，骰盅仲兩款骰一齊攪！
跟住非洲、明記、Sa都黎到，結左婚既就輪住派利是，未結婚既朋友真係好！
多數朋友影即影即有時都揀我做背景，太陽哥哥還呷醋呢！
跟住我地煮左少少野比大家食，蘿蔔糕係太陽媽媽早前比既，雞翼就我親手醃架！
為左加快速度，我地兩邊爐一齊用，太陽哥哥負責煎蘿蔔糕，我負責煎雞翼！
佢地係出面就轉玩賭啤牌：
食完下午茶後，三個女仔＋太陽哥哥湊夠四隻腳開檯，其餘人繼續賭啤！
玩到九點，叫樓下冬菇亭外賣，有好多好野食！
開餐～～
估唔到我地屋企原來係夠位開到兩張檯架，多得爛賭的朋友們，勁！
最後大家玩到凌晨一點先離開，今日真係開心盡興，希望朋友仔都有賓至如歸的感覺啦！
他們的傑作：
我地塊白板就快貼滿啦，都冇位用黎寫野呢，睇黎要換個位置貼呢ｄ即影即有相啦！
沒有留言:
張貼留言